Arctic Fish fær nýjan vinnubát til Þingeyrar
Í vikunni kom til Íslands nýr vinnubátur fyrir Arctic Fish. Báturinn er smíðaður í Póllandi og er 16 metra langur og 9 metra breið tvíbytna. Hann hefur fengið nafnið Hafnarnes og verður með heimahöfn á Þingeyri. Hafnarnes er afar vel búinn vinnubátur og er koma hans til marks um þá fagmennsku sem einkennir uppbyggingu fiskeldisins á Íslandi. Þátttaka erlendra fiskeldisfyrirtækja í uppbyggingunni hér á landi leiðir til þess að fyrirtækin á Íslandi fá æ betri búnað og verkfæri og eykur það á öryggi í kringum eldið, bæði fyrir fiska og menn.
Meðfylgjandi myndir voru teknar af Hafnarnesinu í Reykjavíkurhöfn í gær.
Landssamband Fiskeldisstöðva óskar eigendum og starfsmönnum Arctic Fish til hamingju með nýja bátinn og vona að hann reynist happafley hið mesta.
Af; www.lf.is
