17.12.2014 - 07:02 | Vestfirska forlagið,BIB
Að hugsa mál til enda
Sighvatur Björgvinsson f.v. alþingsmaður og ráðherra.
Þegar Vestfirðingurinn og kratinn Sighvatur Björgvinsson var heilbrigðisráðherra fóru hann og Ólafur Ólafsson þáverandi landlæknir eitt sinn saman á Evrópuþing Alþjóða heilbrigðismálastofnunarinnar. Áfengisvarnir voru þar efst á baugi og fluttu margir þingfulltrúar áhrifamiklar ræður um nauðsyn þess að berjast gegn Bakkusi. Eftir eina slíka eldheita ræðu hvíslaði Ólafur að Sighvati: Þegar við komum heim leggjum við til að sett verði varnaðarorð á áfengisflöskur.
Sighvatur varð hugsi en sagði svo:Heldurðu að það væri rétt, Ólafur minn? Þú manst nú hvernig fór þegar þú lést setja varnaðarorðin á sígarettupakkana. Þurftirðu þá ekki að hætta að reykja?
Úr bókinni Vestfirskir stjórnmálamenn í blíðu og stríðu
Vestfirska forlagið 20 ára.
