Einleikjahátiðin Act alone hófst í gær á Suðureyri við Súgandafjörð og stendur yfir til og með 12. ágúst.

Hátíðin er nú haldin í 14. sinn og eru 18 viðburðir á dagskrá hennar og frítt á þá alla, eins og verið hefur frá upphafi.

Opnunarsýning Act alone var frumsýning á leikverkinu Fjallkonan með Heru Fjord.

Af öðrum leiksýningum má nefna Hún pabbi, Maður sem heitir Ove og Djúpið.

Einnig verður boðið upp á barnadagskrá þar sem Íslenski fíllinn, Basketball Jones og Búkolla verða í aðalhlutverki.

Tónleikar verða einnig á dagskrá og á þeim koma Ólöf Arnalds og Eyjólfur Kristjánsson fram.

Ritlist kemur einnig við sögu því Kristín Eiríksdóttir les upp úr og segir frá verki sínu Kok.

Einnig verður haldið málþingið Atvinnutækifæri listamanna utan höfuðborgarinnar, í samstarfi við Bandalag íslenskra listamanna. Málþingið fer fram í dag kl. 16.

Dagskrá hátíðarinnar og frekari upplýsingar má finna á vefsíðu hennar, 

www.actalone.net