Stjórn Dýrfirðingafélagsins hyggst freista þess að vinna bug á lúpínunni sem breiðst hefur út með ógnarhraða á lóð félagsins í landi Hvamms í Dýrafirði. Reiknað er með að þetta verkefni muni taka 5-10 ár. Fyrstu skrefin verða stigin í Átthaga sunnudaginn 18. júní og byrjað að slá lúpínuna. Við vonumst til að ljúka slætti ársins fimmtudaginn 22. júní  þó við þurfum hugsanlega að taka okkur örlítið hlé til að skreppa í kaupstað. Allar hjálpfúsar hendur sem hafa tök á að leggja okkur lið eru hjartanlega velkomnar í Átthaga.