A A A
  • 1935 - Soffía Einarsdóttir

Hrós dagsins fá starfskonurnar á Dvalar- og hjúkrunarheimilinu Tjörn á Þingeyri sem við sumir köllum Hótel Tjörn. Þar er valin kona í hverju rúmi. Þar ber allt að sama brunni: Elskulegt viðmót, væntumþykja og hlýja í garð heimilismanna eru grundvallaratriði í þeirra starfi. Maturinn hjá henni Piu og öðrum ráðskonum er alveg frábær og vel úti látinn. Það er íslenskur matur í forgrunni með erlendu ívafi og fer vel á því. Heiðursborgararnir þurfa að fá almennilegan mat en þó án nokkurs óhófs. Þeir eru ekki vanir því.

Það segir sína sögu að starfmannavelta hjá henni Erlu hótelstjóra er mjög litil. Hvað þýðir það? Sömu konurnar eru við störf svo árum skiptir. Það er ekki margbrotnara en það.

Svo má auðvitað ekki gleyma Neðri deildinni í kjallaranum. Þar er Föndrið eða Félagsstarf aldraðra tvisvar í viku og er frábærlega vel sótt svo athygli hefur vakið. Þar stjórna þær frúrnar Ásta hans Berta í Hólum, sem vinnur í báðum deildum og Matthildur hans Hafsteins. Þær vita alveg hvað þær eru að gera eins og þær í Efri deildinni. Þar er prjónað og prjónað og prjónað. Svo er tekið í spil. Það er verið í bókbandi og nefndu það bara. Þar er stundum lesið upp úr vestfirskum bókmenntum eins og í Efri deild. Og náttúrlega drukkið þetta fína kaffi og með því. Oft talað saman á léttu nótunum, sem er lífsnauðsynlegt öðru hvoru sem kunnugt er.









« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31