A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
24.08.2015 - 19:54 | Hallgrímur Sveinsson og Bjarni Georg Einarsson

Spurning dagsins: - Eiga ekki börnin að læra að lesa, skrifa og reikna í skólunum?

Hallgrímur Sveinsson og Bjarni G. Einarsson
Hallgrímur Sveinsson og Bjarni G. Einarsson

„Þarna erum við að taka saman höndum um að tryggja það að börnin nái að tileinka sér þennan grundvallarþátt, að börnin geti lesið sér til gagns. Níutíu prósent barna sem ljúka grunnskólanámi árið 2018 eiga að geta lesið sér til gagns. Samkvæmt niðurstöðu PISA-prófsins árið 2012 gátu 30 prósent drengja og 12 prósent stúlkna ekki lesið sér til gagns.“   

                                                 Illugi Gunnarsson á visi.is

   Þetta er alveg stórmerkilegt rugl. Manni fallast eiginlega alveg hendur. Mættum við rifja það upp að almenningur hefur haldið að börnin væru að mæta í skólann til að læra að lesa, skrifa og reikna! Það var alla vega grundvöllurinn í gamla daga. Númer eitt, tvö og þrjú. Það hefði þótt saga til næsta bæjar ef einhver skóli hefði verið með 30% ólæsra unglinga! Stundum fengu seinfærir og seinþroska nemendur aðstoð hjá velviljuðu fólki út í bæ, eða hjá afa og ömmu. Það er þrautreynd aðferð. Gagn og gaman, Litla gula hænan og Ungi litli voru frábærar og margreyndar kennslubækur í lestri, svo dæmi séu nefnd.

   Reikningsbækur Elíasar Bjarnasonar og forskriftarbækur Guðmundar Í. Guðjónssonar voru einnig í fremstu röð. Svo voru gefnar einkunnir á bilinu 0-10. Ef menn fengu fyrir neðan 5 í efri bekkjum barnaskólans var eitthvað að. Það þurfti engar Pisa kannanir til að sýna það. Vorpróf og skyndipróf  voru nokkuð góð mælitæki. Jón gnarr segir frá því, að þegar hann var á Núpi hefði Valdimar á Mýrum nefnt við sig að hann yrði aldrei að manni nema hann lærði margföldunartöfluna! Er ekki heilmikið til í því? 

 

Hallgrímur Sveinsson og Bjarni G. Einarsson

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31