A A A
Hemmi Gunn viš fręšistörf hjį Vestfirska forlaginu
Hemmi Gunn viš fręšistörf hjį Vestfirska forlaginu

Þann 28. 02. 2016 mátti lesa eftirfarandi frétt af léttara taginu á Þingeyrarvefnum. Þar sem allir eru búnir að gleyma henni, er rétt að rifja hana upp til gamans!


  1. Flensan hefur verið að stinga sér niður hér hjá ungum sem öldnum. Þá er bara ekkert að gera annað en fara eftir læknisdómum alþýðunnar og margra lækna: Taka það rólega og fara vel með sig!

  2. Stjáni í Miðbæ fór á Ísafjörð í vikunni. Hann fór í Bónus. Eða það höldum við. Svo keypti hann brauð fyrir blessaðar kindurnar sínar hjá henni Rut.

  3. Það er mikið um að vera í föndrinu í kjallaranum á Hótel Tjörn. Það er tvisvar í viku. Undir stjórn þeirra frúnna Ástu í Hólum og Möttu hans Hafsteins. Skipt í þrjár deildir: Bókband, spil og prjón. Kaffið og meðlætið er alveg svakalega gott hjá þeim. Svo borgar maður 400 kall í krúsina. Glæsilegt eins og þær segja!

  4. Úr blokkinni er það helst að frétta, að Mangi Sig. mokaði altanið hjá sér í fyrradag. Það er ekki nóg að moka bara af götum og gangstéttum og stundum af sveitatroðningum! En það gerir Mangi með miklum sóma fyrir blessað fólkið og bílana þess. Bergur á Felli og Sigþór úr Fellasókn eru löngu búnir að moka svalirnar hjá sér.

  5. Heyrst hefur að St. Grímur ætli að fara á Ísafjörð í næstu viku á kappakstrinum (Formúla 1 þið munið!). Það er bara verst að það er svo erfitt að fá menn í dekkjagengið þessa dagana. Hann þarf nefnilega helst að skipta um á Dýrafjarðarbrú. Svo sagði Hemmi heitinn Gunn. Ekki laug hann! Ma-ma-ma-ma!

  6. Í fréttum er þetta helst úr Mýrahreppi: Þeir á Mýrum bera út og bera út í Fellið og ekkert dugar. Tófan lætur ekki sjá sig. Það er sama þó þeir bjóði upp á nýjan þorsk og sjófugl. En hvar er öll tófan? 

 

                                              
Tunglið, tunglið, taktu mig

(Framhald)


   Þar er siglt á silfurbát

með seglum þöndum,
rauðagull í rá og böndum,
rennir hann beint að ströndum,
rennir hann beint að björtum sólarströndum.
"Þar situr hún móðir mín"
í möttlinum græna,
hún er að spinna híalín
í hempu fyrir börnin sín.
"Og seinna, þegar sólin skín",
sendir hún þeim gullin fín,
mánasilfur og messuvín,
mörgu er úr að velja.
Hún á svo margt, sem enginn kann að telja.

(Meira seinna)


-Theodóra Thoroddsen

« September »
S M Ž M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30