Vesturleið:- Heilmikil umferð þessa dagana - Hluti leiðarinnar var lagður með hestvögnum á sínum tíma
Vesturleiðin, frá Þingeyri í Vatnsfjörð, er bara gamall malarvegur, um 70 km löng. Þó er um 100 metra bundið slitlag í bröttu brekkunni fyrir ofan Hlíð. Skal þess og getið til gamans, að hluti Vesturleiðar var lagður með hestum og hestvögnum um eða upp úr seinna stríði. Er sá kafli vegarins á Brekkudal. Þá voru aðal verkfærin páll og reka.
Þessa vordaga er heilmikil umferð um Vesturleið, stundum bara bíll við bíl í báðar áttir. Margir telja að þar sé að minnsta kosti helmingur útlendingar undir stýri ef ekki meir. Vegurinn verður að teljast nokkuð góður þegar á heildina er litið. Enda var byrjað að hefla upp úr miðjum apríl. Þótti með eindæmum.
Plís, segjum við eins og unga kynslóðin: Akið varlega. Munið eftir öllum blindbeygjunum og bindhæðunum. Sýnið tillitssemi og veifið hvert öðru brosandi. Og hvort heldur sem er. Það lífgar alltaf upp á sálartetrið. Ekki að láta bara útlendingana veifa!
