A A A
Ólafur Helgi Kjartansson
Ólafur Helgi Kjartansson
Bókakynning frá Vestfirska forlaginu á Þingeyri verður á Cafe Catalinu, Hamraborg 11 í Kópavogi laugardagskvöldið 5. desember n.k. og hefst kl. 20:30. Þar munu Hafliði Magnússon frá Bíldudal og Ólafur Helgi Kjartansson frá Ísafirði kynna og lesa úr nýjum smásagnasöfnum sínum. Bók Hafliða heitir "Þá verð ég farinn" og bók Ólafs Helga heitir "Ný von að morgni". Auk þess munu þeir segja gamasögur að vestan en slíkar sögur hafa verið fastur liður hjá vestfirsku útgáfunni á liðnum árum við miklar vinsældir. Tryggvi Þorsteinsson frá Vatnsfirði kynnir þýðingar sínar á ljóðabálki Nóbelskáldsins sænska; Par Lagerkvist sem kominn eru út í bókinni "Kvöldheimar." Guðrún Lára Ásgeirsdóttir kynnir og les úr bókinni "Öll þau klukknaköll" sem eru frásagnir 25 prestskvenna. Guðrún Lára, séra Ágúst Sigurðsson og Anna Sigurkarlsdóttir voru í ritnefnd bókarinnar. "Að sigra sjálfan sig" er bók ofurhlauparans vestfirska, Gunnlaugs Júlíussonar og mun hann kynna bókina og lesa úr henni. 300 kr af sölu hverrar bókar Gunnlaugs renna til Grensásssöfnunar Eddu Heiðrúnar Backman.

 

Milli atriða mun Hljómsveitin Granít frá Vík í Mýrdal leika og syngja m.a. lög að vestan, og Rolling Stones þar sem Ólafur Helgi mun taka lagið með hljómsveitinni ásamt fleirum að vestan. Allar tíu bækur Vestfirska forlagsins sem koma út á þessu ári verða til sölu á bókakynningunni og munu höfundarnir sem verða þarna árita bækur.

 

Kl. 23:00 hefst síðan dansleikur með Hljómsveitinni Granít þar sem mikil áhersla verður lögð á Rolling Stones og annað gullaldarpopp. Ólafur Helgi Kjartansson, en hann er mesti aðdándi Rolling Stones á Íslandi, mun syngja með Granít í nokkrum Stones-lögum.

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31