A A A
  • 1935 - Vagna Sólveig Vagnsdóttir
17.05.2011 - 21:30 | Tilkynning

Varšandi Dżrafjaršardaga

Frį Dżrafjaršardögum. Mynd: JÓH
Frį Dżrafjaršardögum. Mynd: JÓH
Eins og kunnugt er þá er undirbúningur fyrir Dýrafjarðardaga þetta árið kominn í gang. Síðustu ár hefur því miður gengið erfiðlega að fá einstaklinga til að leggja hátíðinni lið, hvort sem um er að ræða skipulagningu hátíðarinnar eða vinnu á sjálfum Dýrafjarðardögum. Með þessu áframhaldi sjáum við fram á að þessi stórglæsilega hátið okkar Dýrfirðinga heyri liðinni tíð, en hátíðin var einmitt endurvakin árið 2002 eftir nokkurra ára hlé, sökum sama vandamáls. Reynt hefur verið að fá félagasamtök á staðnum til að skipa tvo fulltrúa frá hverju félagi í stjórn hátíðarinnar en það hefur ekki borið árangur.

Á aðalfundi íbúasamtakanna Átaks þann 5. apríl s.l. kom fram sú tillaga að skipa þyrfti í stjórn Dýrafjarðardaga, líkt og vaninn hefur verið með aðra stórviðburði í firðinum, t.d. Hjónaball og Þorrablót. Íbúasamtökin og núverandi stjórn Dýrafjarðardaga hafa því tekið þá ákvörðun að stjórn Dýrafjarðardaga skipi 5-7 fulltrúa í nefnd til að taka við af sér og koma að skipulagningu Dýrafjarðardaga 2012. Sú nefnd myndi svo skipa 5-7 fulltrúa til að koma að skipulagningu Dýrafjarðardaga árið 2013 og svo koll af kolli. Ávallt skulu þó að minnsta kosti 2 einstaklingar frá fyrri stjórn sitja í þeirri næstu með það að markmiði að ný stjórn hefði trygga leiðsögn í þessu stóra og skemmtilega verkefni.

Að lokum vilja íbúasamtökin hvetja sem flesta til að leggja hátíðinni okkar í ár lið og bjóða sig fram sem sjálfboðaliðar með því að hafa samband við Ernu Höskuldsdóttur. Það þarf ekki að vera stórt - margar hendur vinna létt verk.

Fyrir hönd íbúasamtakanna Átaks
Daðey Arnborg Sigþórsdóttir, formaður
« September »
S M Ž M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30