Félagsmiðstöðvar Ísafjarðarbæjar ásamt félagsmiðstöðinni í Bolungarvík ætla að gera sér glaðan dag á Þingeyri næstkomandi föstudag. Dagskráin hefst klukkan 16:00 í Félagsheimilinu á Þingeyri, þar sem fram fer spurningakeppni í anda Gettu betur og Útsvars. Hver byggðarkjarni sendir frá sér eitt lið, en auk þess munu kennarar tefla fram einu liði. Öllum er frjálst að mæta á spurningakeppnina, en miðaverð á hana er 500kr. fyrir 16 ára og eldri og hvetjum við sem flesta til að mæta og skemmta sér með okkur.

 

Eftir keppnina hefst svo dagskrá sem er einungis ætluð unglingum í 8-10. bekk (7. bekkur í Grunnskólanum á Þingeyri fær að vera með) og lýkur kvöldinu með stærsta balli vetrarins þar sem að DJ Óli Geir & Haffi Haff munu trylla lýðinn fram eftir kvöldi.

 

Enn og aftur hvetjum við sem flesta til að mæta og skemmta sér með okkur á spurningakeppninni sem hefst klukkan 16:00 í Félagsheimilinu.

Hlökkum til að sjá ykkur!