A A A
  • 1972 - Snorri Guđbergur Snorrason
17.12.2016 - 08:54 | Hallgrímur Sveinsson,Vestfirska forlagiđ

Stjórnmálahringekjan: - Utanţingsstjórn í pípunum í Vestfirsku Ölpunum

Utanţingsstjórn Björns Ţórđarsonar. Taliđ frá vinstri: Björn Ólafsson, Björn Ţórđarson, forseti Íslands Sveinn Björnsson, Vilhjálmur Ţór, Einar Arnórsson. Jóhann Sćmundsson vantar á myndina. Ljósm. frá Stjórnarráđinu.
Utanţingsstjórn Björns Ţórđarsonar. Taliđ frá vinstri: Björn Ólafsson, Björn Ţórđarson, forseti Íslands Sveinn Björnsson, Vilhjálmur Ţór, Einar Arnórsson. Jóhann Sćmundsson vantar á myndina. Ljósm. frá Stjórnarráđinu.

Eins og skýrt var frá um daginn, eru hinar framliðnu hreppsnefndir í Vestfirsku Ölpunum nú tilbúnar með utanþingsstjórn í bakhöndinni til að gauka að forseta lýðveldisins. Þegar stjórnarmyndun dregst svona  á langinn hjá alþingismönnum, gæti farið svo að hann verði að grípa til sinna ráða. Á það mun náttúrlega ekki reyna fyrr en í lengstu lög. Allt hefur sinn tíma. Forsetar vorir hafa stundum verið með slíkar stjórnir uppi í erminni þegar baktjaldamakkið hefur gengið hægt.

   Þess er að minnast að það var utanþingsstjón Björns Þórðarsonar sem stóð formlega fyrir stofnum lýðveldis á Íslandi 17. júní 1944. Hún var eina utanþingsstjórnin í sögu Íslands til þessa. Sú stjórn starfaði í tæp tvö ár og stóð sig bara vel eins og margir muna.

Það flýgur fyrir að hreppsnefndirnar hafa samþykkt málaskrá sem þær telja rétt að stjórnin hafi til hliðsjónar í störfum sínum. Er hún trúnaðarmál eins og er.

Þó hefur eftirfarandi lekið út:

  1. Aðskilja ber ríki og spillingu.
  2. Við verðum að hætta að bruðla.
  3. Bannað verði að henda mat.
  4. Öllum sem lepja dauðann úr skel skal hjálpa til sjálfshjálpar ef hægt er.
  5. Bankaleynd verði afnumin af peningahreyfingum yfir 100 milljónum króna.
  6. Allir ráðherrar stjórnarinnar eiga að segja nei þegar það á við.
  7. Vandi þjóðfélagsins er sá að Íslendingar eiga mikið meira en nóg af öllu Á HEILDINA LITIÐ.
  8. Til að þjóðin fari ekki á límingunum þarf  AÐ JAFNA LÍFSKJÖRIN.
  9. Þjóðfélagið er orðið allt of flókið. Almenningur skilur oft ekki hvað snýr upp og hvað niður.
  10. Niður með heimtufrekju og græðgi. Upp með hagsmuni almennings!

Ráðherrabílar skulu seldir. Ráðherrarnir aki að jafnaði í vinnuna á sínum eigin bílum. Eða fara bara gangandi ef stutt er að fara. Ef nauðsyn krefur hringi þeir í leigubíl.

Ráðherralisti stjórnarinnar verður ekki birtur að sinni eins og skiljanlegt er. En þar verður valinn maður í hverju rúmi ef til kemur.

« Nóvember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör