A A A
  • 1920 - Guđrún Markúsdóttir
  • 1956 - Angela Loretta McGuinness
  • 1968 - Sigrún Sigurđardóttir
  • 1994 - Blómey Ósk Karlsdóttir
  • 2008 - Kinga Ásthildur Bochra
26.02.2016 - 08:42 | Vestfirska forlagiđ,Reykhólavefurinn,Hlynur Ţór Magnússon

Stefnumótun fyrir vestfirska ferđaţjónustu

Ferðamálasamtök Vestfjarða hafa fengið styrk frá Ferðamálastofu og Uppbyggingarsjóði Vestfjarða til að vinna að stefnumótun fyrir vestfirska ferðaþjónustu 2016-2020. Mikilvægt er að sem flestir hagsmunaaðilar taki þátt í mótun stefnunnar, bæði ferðaþjónar, sveitarfélög og opinberar stofnanir.

 

Þetta kemur fram í tilkynningu frá verkefnisstjórn Ferðamálasamtaka Vestfjarða um stefnumótun 2016-2020. Þar segir ennfremur meðal annars:

 

Atvinnuþróunarfélag Vestfjarða (Atvest) mun halda utan um vinnu við mótun stefnunnar. Nú þegar hefur Atvest unnið stöðugreiningu fyrir ferðaþjónustu á Vestfjörðum, sem er aðgengileg hér á vef Ferðamálasamtaka Vestfjarða.

 

Ferðamálasamtökin leggja metnað sinn í að unnin sé stefna sem samstaða er um. Lögð er sérstök áhersla á eftirfylgni stefnunnar, þar sem mörg umfangsmikil verkefni liggja fyrir á næstu árum vegna mikils vaxtar í ferðaþjónustu á Íslandi og því mikilvægt fyrir ferðaþjónustu á Vestfjörðum að sem flestir komi að borðinu.

 

Stefnt er að fundum eins og hér segir:

  • 1. mars kl. 17 í Stjórnsýsluhúsinu á Ísafirði
  • 2. mars kl. 12 á Café Riis á Hólmavík
  • 3. mars kl. 8 (að morgni) í félagsheimilinu á Patreksfirði
« Október »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31