A A A
31.08.2015 - 13:03 | Hallgrímur Sveinsson

Spekingarnir á Şingeyri: - Şağ verğur svona veğur til jóla!

Íşróttamiğstöğin á Şingeyri meğ pástöğinni í heita pottinum.
Íşróttamiğstöğin á Şingeyri meğ pástöğinni í heita pottinum.

Spekingarnir í Morgunklúbbnum í heita pottinum á Þingeyri hafa nú gefið út langtímaveðurspá. Þar kemur fram að veður verði nákvæmlega svona til jóla eins og það er í dag, með vissum skekkjumörkum og fráhvarfseinkennum.

   Veðurvitar þessir byggja spár sínar á gangi himintungla og Almanak Þjóðvinafélagsins er þeirra bók. Þeir segja að Höfuðdagurinn hafi verið á laugardaginn og mikið mark sé á honum takandi, en  almenningur er eiginlega búinn að gleyma þeim degi og áhrifum hans segja þeir.

Svo springur tunglið út í austri 13. sept. n. k. Þá taka við austanáttir. Norðanáttir taka svo við í október samkvæmt þeim fræðum. Telja spekingarnir að það verði sólríkir dagar inn á milli í sept./okt. Hvort það verði svo hvít jól vilja þeir ekki spá um á þessu stigi.

Við nefnum engin nöfn að sinni, en nánar verður fjallað um þetta mikilsverða mál síðar hér á Þingeyrarvefnum.

« Október »
S M Ş M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31