Þórhallur Sigurðsson, Laddi og Hemmi Gunn. Sögumenn af dýrfirskum rótum.

Stórmerkilegt er að fylgjast með tilburðum Ríkissjónvarpsins til að hafa einhverja skemmtiþætti á dagskrá. Það er eins og það vanti allan húmor í þetta lið. Hraðfréttir til dæmis. Því miður. Hægt er að brosa lítillega að einstaka sketsum eins og þeir kalla það. En að hlægja hressilega eða reka upp rokur. Vonlaust. Yfirleitt vantar það sem kallast söguþráður. Engu er líkara en þáttahöfundar viti bara alls ekki hvað það orð merkir. Hvernig væri nú að læra af Spaugstofunni?

   Svo tók nú út yfir allan þjófabálk er forsætisráðherrann var söguhetja í Hraðfréttum á laugardaginn. Þar var farið langt yfir strikið ef einhver strik eru til í dag. Óskiljanlegt bull. Til háborinnar skammar fyrir alla aðila. Hvers ætli sá ágæti maður eigi að gjalda? Og ekki einu sinni vottur af húmor eða fyndni. Er þó sjálfur húmoristi í daglega lífinu. Maðurinn gerður að algjöru fífli, ekki bara í nokkrar sekúndur, heldur margar mínútur. Og svo fara þessir drengir og drekka skolpið úr göturæsum Reykjavíkur um daginn. Endursýnt á laugardaginn. Ja, þvílíkt og annað eins!