A A A
  • 1929 - Gunnþórunn Friðriksdóttir
  • 1960 - Þórhallur Gunnlaugsson
  • 2000 - Guðlaugur Rafn Daníelsson
  • 2000 - Birta Rós Daníelsdóttir
17.05.2016 - 06:55 | Morgunblaðið,Vestfirska forlagið

Sigurlaug Helga Leifsdóttir - Fædd 6. ágúst 1926 - Dáin 10. maí 2016 - Minning

Sigurlaug Helga Leifsdóttir.
Sigurlaug Helga Leifsdóttir.
Sigurlaug Helga Leifsdóttir, ætíð kölluð Helga, fæddist á Þingeyri við Dýrafjörð 6. ágúst 1926. Hún andaðist á dvalarheimilinu Grund 10. maí 2016.

Foreldrar Helgu voru þau Leifur Jóhannesson, f. 16. nóvember 1894, d. 20. maí 1987, og Sigríður Helgadóttir, f. 18.5. 1897, d. 23.7. 1986. Helga var yngst þriggja systra. Elsta systirin, Álfheiður Erla, lést ung að aldri, f. 6.9. 1922, d. 9.1. 1944, en Anna Ragna fyrir tæpum þremur árum, f. 19.8. 1923, d. 1.11. 2013.

Með sambýlismanni sínum Hákoni Jóhannesi Kristóferssyni, f. 26.9. 1919, d. 25.12. 1965, eignaðist Helga börnin Jóhönnu Hákonardóttur, f. 26.7. 1950, d. 3.5. 2016, og Leif Hákonarson, f. 26.9. 1952. Barn Jóhönnu er Sigurlaug Helga Teitsdóttir, f. 2.1. 1982, faðir hennar er Teitur Arnlaugsson, f. 28.9. 1947. Sonur Helgu og Arnars Steins Þorsteinssonar, f. 9.3. 1978, er Björn Kári Arnarsson, f. 30.8. 2008. Synir Helgu og sambýlismanns hennar Tómasar Joensen, f. 7.10. 1981, eru Hörður Bjarki H. Joensen, f. 11.2. 2014, og Hrafnkell Rökkvi H. Joensen, f. 19.11. 2015. Börn Leifs og fyrrverandi eiginkonu hans Bente Knudsen, f. 20.10 1955, eru Hákon Helgi Leifsson, f. 26.7. 1978, og Sara Leifsdóttir, f. 31.7. 1980. Börn Hákonar og sambýliskonu hans Ragnheiðar Rutar Reynisdóttur, f. 4.2. 1980, eru þeir Leifur Ernir Hákonarson, f. 1.12. 2004, og Reynir Helgi Hákonarson, f. 5.12. 2008. Dóttir Söru og Hreggviðs Vopna Haukssonar, f. 27.12. 1979, er Hekla Sif Hreggviðsdóttir, f. 15.5. 1997.

Fyrri hluta ævi sinnar bjó Helga að mestu á Þingeyri en þó fluttist hún um hríð til Stykkishólms með Hákoni, en þar rak hann bifreiðaverkstæði. Á síðari hluta sjöunda áratugarins fluttist hún til Reykjavíkur og bjó þar það sem eftir var ævinnar, fyrst við Bólstaðarhlíð, þá Mosgerði og Markland en flutti loks aftur í Bólstaðarhlíðina, nú í þjónustuíbúð. Síðustu vikur ævinnar dvaldi hún á Grund þar sem hún lést hinn 10. maí síðastliðinn.

Lengstan hluta starfsævinnar starfaði Helga við símavörslu hjá því opinbera, fyrst Landssímanum en síðan Reykjavíkurborg.

Útför Helgu og dóttur hennar Jóhönnu fer fram frá Fossvogskirkju í dag, 17. maí 2016, klukkan 13.

 

Morgunblaðið þriðjudagurinn 17. maí 2016.

« September »
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30