A A A
07.09.2017 - 07:06 | Björn Ingi Bjarnason,Fréttablašiš,Hallgrķmur Sveinsson,Vestfirska forlagiš

Siguršur G. kaupir DV og ašrar eignir Pressunnar

Dżrfiršingurinn Siguršur G. Gušjónsson.
Dżrfiršingurinn Siguršur G. Gušjónsson.
Hæstaréttarlögmaðurinn Sigurður G. Guðjónsson hefur keypt allar eignir fjölmiðlafyrirtækisins Pressunnar ehf, að undanskildum héraðsfréttablöðum sem félagið hefur gefið út, gegn greiðslu og yfirtöku á skuldum við Tollstjórann og hluta af lánardrottnum, samtals að fjárhæð tæplega 400 milljónir, samkvæmt heimildum Fréttablaðsins.

Ekki fást upplýsingar um hvaða fjárfestar standa að baki Sigurðar en Pressan er móðurfélag Vefpressunnar, DV og Eyjunnar. Björn Ingi Hrafnsson er útgefandi Pressunnar. Félög í hans eigu og Arnars Ægissonar, framkvæmdastjóra Pressunnar, eiga samanlagt um 31 prósents hlut í Pressunni.

Gjaldþrotaskiptabeiðni Tollstjóra á hendur Pressunni, sem var tekin fyrir í Héraðsdómi Reykjavíkur í gærmorgun, var afturkölluð síðar sama dag eftir að Sigurður greiddi upp að fullu skuld félagsins við Tollstjórann vegna opinberra gjalda. Að öðrum kosti hefði Pressan verið tekin til gjaldþrotaskipta og skiptastjóri skipaður yfir félaginu í dag, fimmtudag.

Sigurður vildi sem minnst tjá sig um málið í samtali við Fréttablaðið.

Eignarhaldsfélagið Dalurinn, sem er í jafnri eigu þeirra Árna Harðarsonar, Halldórs Kristmannssonar, Hilmars Þórs Kristinssonar, Jóhanns G. Jóhannssonar og Róberts Wessmann, á enn rúmlega 66 prósenta hlut í Pressunni.

Ekki liggur fyrir hvað verður um hlut þeirra í félaginu, en ekki náðist í forsvarsmenn Dalsins við vinnslu fréttarinnar.

« Október »
S M Ž M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31