A A A
  • 1935 - Soffía Einarsdóttir
13.01.2017 - 17:33 | Vestfirska forlagið,Björn Ingi Bjarnason,bb.is

Sagnastund að Holti í Önundarfirði

« 1 af 2 »

Hin árlega samverustund í Önundarfirði sem haldin er á afmæli stórskáldsins Guðmundar Inga frá Kirkjubóli verður að venju haldin í Friðarsetrinu í Holti á sunnudaginn 15. janúar 2017 kl. 16:00.
Sagnastund í Holti kallar Ingastofunefndin samkomuna að þessu sinni og hyggur á ekta baðstofumenningu þar sem gestir stíga fram og mæla af munni fram sögur og ljóð. Það eru þau Magnús, Dúnna, Smári, Bryndís og Guja sem verða tilbúin með eitthvert andans góðmeti fyrir hina að njóta en á langborðinu verður boðið upp á kaffi og dýrðlegar pönnukökur. 


Ingastofunefnd sem staðið hefur fyrir samkomum í Önundarfirði þann 15. janúar ár hvert er afar hugmyndarík og alltaf eitthvað nýtt á boðstólum og árið 2013 var til dæmis boðið upp á Hjarðardalskvartettinn og Söngsystur, árið 2011 var Brynjólfur Árnason bóndi á Vöðlum í öndvegi og lög hans við ljóð Guðmundar Inga flutt af Kirkjukór Önundarfjarðar. Í fyrra var dagskráin helguð konum. 

Guðmundur Ingi Kristjánsson skáld var fæddur á Kirkjubóli í Bjarnardal þann 15. janúar árið 1907 en lést í hárri elli 30. ágúst 2002. Samferðafólk hans mátu hann mikils og hafa minnst hans með menningarvöku á afmælisdegi hans allar götur síðan. 

 

Kona Guðmundar Inga var Þuríður Gísladóttir frá Mýrum í Dýrafirði. Hún var fædd 6. júlí 1925 og lést þann 30. október 2016.

 

 

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31