A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
10.05.2015 - 06:24 | Hallgrímur Sveinsson

Saga úr Arnarfirði: - Grenjulöðurseyri og Grenlöðursá?

Grelutóttir á hinni fornu Eyri. Þar fór fram uppgröftur í eina tíð. Gólfskánin í skála Grelaðar staðfesti að þar hefur aðeins verið búið í tvo þrjá mannsaldra. Svo sögðu þeir góðu fornleifafræðingar sem þar unnu að verki. Í baksýn Ánarmúli, en þar segir sagan að Án rauðfeldur sé heygður. Ljósm.: H. S.
Grelutóttir á hinni fornu Eyri. Þar fór fram uppgröftur í eina tíð. Gólfskánin í skála Grelaðar staðfesti að þar hefur aðeins verið búið í tvo þrjá mannsaldra. Svo sögðu þeir góðu fornleifafræðingar sem þar unnu að verki. Í baksýn Ánarmúli, en þar segir sagan að Án rauðfeldur sé heygður. Ljósm.: H. S.
« 1 af 2 »

 Minn gamli góði skólabróðir og vinur Ómar Ragnarsson heldur úti heimasíðu sem nánast er skyldulestur. Um daginn fjallaði Ómar um árdaga Íslands. Um Eyri við Arnarfjörð segir svo með leyfi forseta:

  
„Þórhallur (Vilmundarson) taldi því líklegt að áin sem fellur um Grenlöðareyri við Arnarfjörð hafi heitið Grenja eða Grenjulöðursá og eyrin Grenjulöðurseyri eða Grenjlöðurseyri.

   „En síðar hafi eins og svo víða annars staðar orðið til þægileg mannanafnaskýring: "Grenlöður hét kona. Hún var írsk."

  
Nöfnin Grenlöðareyri eða Grenjulöðurseyri hefur undirritaður aldrei heyrt fyrr og mun svo um fleiri. Grenlöðursá enn síður. Aftur á móti er Eyri við Arnarfjörð þekktur sögustaður. Þar bjuggu fyrst Grelöð og kallinn hennar Án rauðfeldur. Svo segir í fornum ritum. Má þó vera tilbúningur. Ólíklegt þó. Um árið 1000 hefur bærinn verið fluttur upp í hvamminn þar sem hann hefur staðið síðan. Og er enn nefndur Eyri. Út um allt eru Eyrar hér í fjörðum vestra. En þegar kemur fram á 15. öld er farið að kalla þennan forna sögustað Hrafnseyri í höfuðið á Hrafni Sveinbjarnarsyni.


   Áin sem rennur niður Hrafnseyrardal heitir  Hrafnseyrará. Hefur svo verið nokkuð lengi. Hafi hún upphaflega heitað Grenja eða Grenlöðursá hlýtur það nafn að koma fyrir á einhverjum fornum bókum. Kannski þær hafi brunnið inni í Kaupmannahafnarbrunanum mikla 1728?


   Náttúrunafnakenning þess mæta manns Þórhalls Vilmundarsonar  er um margt mjög merkileg. En erfitt er fyrir staðkunnuga að skrifa upp á þetta sem Ómar vinur okkar er að nefna núna.

                                               
Hallgrímur Sveinsson.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31