A A A
  • 1943 - Sigurđa Pálsdóttir
  • 1956 - Hlynur Ađalsteinsson
  • 1981 - Janne Kristensen
  • 2000 - Birta María Torfadóttir
12.07.2017 - 06:50 | Vestfirska forlagiđ,Hallgrímur Sveinsson,Björn Ingi Bjarnason

Rangárvallasýsla - fimmta hjólabók Ómars Smára

« 1 af 3 »

Hjá Vestfirska forlaginu er komin út fimmta Hjólabókin eftir Ómar Smára Kristinsson og fjallar hún um Rangárvallasýslu.

Viltu ferðast á frábæra staði?

Viltu samt losna við fjölmenni?

Þá er reiðhjólið rétti ferðamátinn og Rangárvallasýsla rétti staðurinn. Svo segir höfundur hjólabókanna, en Ómar Smári er frá Gíslholti í Rangárvallasýslu. Hann hefur búið á Ísafirði í tólf ár.

Í bókinni er lýst ellefu hjólreiðaleiðum, auðveldum og erfiðum, sem eiga það sameiginlegt að þær liggja í hring og að hægt er að loka hringnum á einum degi. Hverri leiðarlýsingu fylgja tillögur að fleiri ferðum. Þar að auki er nokkurra léttra hringleiða, sem ekki teljast til dagleiða, getið í bókinni. Einnig er í henni að finna kort af almenningssamgöngum og umferðarþunga.

Um eitt og hálft hundrað ljósmynda gefa innsýn í sýsluna, hvernig þar er umhorfs og hverskonar vegir og stígar bíða lesenda.

Textinn er margbreytilegur, fjölhæfur og skemmtilegur líkt og í fyrri Hjólabókum Ómars Smára Kristinssonar.

Fyrsta Hjólabók hans fjallaði um Vestfirði, önnur um Vesturland, þriðja um Suð-vesturland og fjórða um Árnessýslu.


« Nóvember »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30