A A A
  • 1931 - Kristín Gunnarsdóttir
  • 1979 - Jón Sigmundsson
  • 1980 - Birna Pálsdóttir
  • 1993 - Klara Alexandra Birgisdóttir
  • 1999 - Björn Ómar Egilsson
31.07.2017 - 20:43 | Vestfirska forlagiđ,Hallgrímur Sveinsson,Björn Ingi Bjarnason

Prik fyrir Vegagerđina: - Hlemmivegur frá Hrafnseyri ađ Dýrafjarđargöngum

Frá Arnarfirđi séđ í Hrafnseyrardal. Ljósm.: Mats Wibe Lund.
Frá Arnarfirđi séđ í Hrafnseyrardal. Ljósm.: Mats Wibe Lund.

Nú er aldeilis uppi annar óður! Það er eins og vegurinn frá Hrafnseyri að framkvæmdasvæði Dýrafjarðarganga á Rauðsstöðum og jafnvel inn í Mjólká, sé bara steyptur. Þetta er eins og hver önnur hraðbraut eða Autobahn eins og þeir segja í Þýskalandi.

Gárungarnir segja að þetta sé Búnaðarfélagi Auðkúluhrepps að þakka. Þegar aðalfundur félagsins var haldinn í Mjólkárvirkjun í apríl 2005, þótti við hæfi að bera harpað efni frá Grjóteyri utan Rauðsstaða í slitlag á veginum og alla leið upp á Hrafnseyrardal. Svo bara hefur sprautubíllinn sprautað sjó duglega á veginn í sumar og heflun lukkast vel og allt hvað heiti hefur.

Þetta umrædda vor var meira að segja sett malbik við sitt hvorn endann á einbreiðu brúnum á veginum, sem eru nokkrar. Þannig að nú lenda menn ekki í hinu skylduga hoppi við brýrnar eins og áður, eins og Ómar okkar Ragnarsson orðaði það svo skemmtilega forðum.

Bravó Vegagerð!



« Júlí »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31