A A A
  • 1974 - Halldóra Laufey Sigurđardóttir
  • 1993 - Ástrós Elma Sigmarsdóttir
  • 2002 - Hrannar Breki Gunnlaugsson
02.02.2016 - 21:40 | BIB,skutull.is,Vestfirska forlagiđ

Píratar festa sig í sessi sem stćrsta stjórnmálafliđ: Ákall um breytingar

Helgi Hrafn Gunnarsson, þingmaður Pírata, segir mikið fylgi Pírata í könnunum ver ákall um breytingar og lýsa vantrausti á kerfinu, stjórnsýslunni og stjórnmálunum.

Píratar mælast nú tíunda mánuðinn í röð stærsta stjórnmálaaflið meðal þjóðarinnar, með rúmlega 35% fylgi samkvæmt nýjasta þjóðarpúlsi Gallup-fyritækisins.

Sjálfstæðisflokkurinn sem var um áratuga skeið stærsti flokkur þjóðarinnar með 30-40% fylgi, er fastur í 20-24% fylgi. Það er minna en hann fékk í síðustu kosningum, sem voru næstlélegustu kosningar flokksins frá stofnun hans árið 1929.

Ekki er ástandið skárra hjá Samfylkingunni sem fær nú aðeins 9,2% í skoðanakönnuninni, minna en nokkru sinni fyrr. Samfylkingin fékk aðeins 12,9% í síðustu kosningum.

Framsóknarflokkurinn hefur tapað meirihluta fylgisins frá
síðustu kosningum og mælist nú með 12% og Björt framtíð hefur misst meira en helming þess sem hún fékk í kosningunum, fær nú 3,6%.

Af "gömlu" flokkunum eru aðeins Vinstri græn sem halda sínu frá síðustu kosningum, með tæp 11% fylgi.

Fylgi flokkanna er nú samkvæmt mælingu Gallups:
Vinstri græn 10.8% ↑0.6%
Framsóknarflokkur 12% •0%
Samfylkingin 9.2% ↓1.2%
Sjálfstæðisflokkur 24.4% ↓0.8%
Björt framtíð 3.6% ↓0.6%
Píratar 35.3% ↑2.2%

4,7% sögðust styðja aðra flokka eða framboð.


37,5% kjósenda styðja ríkisstjórnina - nokkru fleiri en samanlagt styðja ríkisstjórnarflokkana. Stuðningur við ríkisstjórnina mældist aðeins einu sinni meiri á síðasta ári.

« September »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30