A A A
  • 1966 - Konráđ Kristinn Konráđsson
  • 1974 - Einar Birgisson
  • 1997 - Viktoría Kristín Viktorsdóttir
  • 2005 - MIHKEL SILDOJA
  • 2010 - Ćgir Egill Gunnarsson
25.01.2016 - 18:31 | Hallgrímur Sveinsson,Vestfirska forlagiđ

Örstuttar fréttir úr Vestfirsku Ölpunum

Frá Dýrafirđi. Ljósm.: Davíđ Davíđsson.
Frá Dýrafirđi. Ljósm.: Davíđ Davíđsson.

Veðrið

Segja má að tíðarfar hafi verið með ólíkindum gott hér vestra það sem af er árinu. Loft og sjór stendur dag eftir dag eins og stafur á bók. Elstu menn muna varla annað eins, þó sumir þeirra þykist nú muna eitthvað svipað. Snjólaust að heita má.

Heiðarnar

Hrafnseyrarheiði, eða Grímsheiði eins og sumir leyfa sér að nefna hana, var opnuð fyrir viku eða svo. Dynjandisheiði hefur verið á mörkunum að vera opin. Kunnugir segja að Árni bóndi á Laugabóli hafi mokað hana einu sinni ef ekki tvisvar.

Þorrablótið

Þorrablótið fór fram á Þingeyri á laugardagskvöldið eð var. Er ekki annað vitað en þar hafi allt farið vel og skikkanlega fram. Átu menn sig vel sadda að vanda og svo var dansað fram eftir nóttu. Einhverjir voru öls við pel og fer ekki nánari sögum af því. 

Mannlífið almennt

Ekki er annað vitað en mannlíf á Þingeyri sé allt í þokkalegum gír á nýja árinu. Engin stórtíðindi í gangi. Atvinnulífið er að vísu ekki fjölbreytt. Í frystihúsinu vinna um eða yfir 30 manns hjá Íslensku sjávarfangi ehf.  Þar af er víst um helmingur starfsfólks  af erlendu bergi brotið. Stefán Egilsson  frá Dýrhól er nú að gera sig kláran á rækjuveiðar í Arnarfirði á sínum góða bát Agli. Að öðru leyti er ekki um að ræða mikla sjósókn frá þeim fornfræga sjávarútvegsbæ Þingeyri við Dýrafjörð.

« Október »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31