A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Þingeyri séð frá Brekkuhálsi kl. 14.05 í fyrradag. Ljósm. H. S.
Þingeyri séð frá Brekkuhálsi kl. 14.05 í fyrradag. Ljósm. H. S.
« 1 af 2 »

Ný þjóðhagsveðurspá hefur nú litið dagsins ljós hjá hinum kunnu spekingum í heita pottinum hjá henni Tobbu á Þingeyri. Hefur hennar verið beðið með nokkurri eftirvæntingu af sumum. Vel má rifja upp, að skjaldan hefur nokkur veðurspá brugðist jafn hrapallega og langtímaspáin sem vitringarnir birtu 31. ágúst 2015. Þar stóð ekki steinn yfir steini!

   Er skemmst frá því að segja, að nú spá veðurvitarnir okkar að suðvestan áttir verði ríkjandi á spátímabilinu. Kuldi er í kortunum næstu daga, en svo hlýnar og kólnar svo aftur segja þeir! Nokkuð kalt verður um miðjan desember, jafnvel peysuveður. Engin stórviðri segjast þeir sjá í kortunum. Þó megi búast við nokkuð hvössu veðri á Gamlársdag. Þá verða menn bara að passa sig! Ekki var þó einhugur í veðurspánefndinni sem sér um þennan þátt. Einn greiddi atkvæði á móti. Verður svo að vera. Er þetta svipað og gerðist í Peningastefnunefnd Seðlabankans um daginn: Einn var á móti.  Formaður nefndarinnar er Bjarni G. Einarsson og gefur hann frekari upplýsingar.

    Aftur á móti greiddu allir atkvæði með því að það gæti alveg farið svo að það verði hvít jól. Kristján Gunnarsson frá Miðbæ,  sem er talsmaður nefndarinnar, taldi að það verði bara að koma í ljós og voru menn almennt sáttir með þann úrskurð.

   Frá úrkomudeildinni kom sá einróma spádómur að búast megi við rigningu öðru hvoru þegar ekki snjóar. Svo verður bara bjart á milli. Verður það einkum er hæðin yfir Grænlandi gerir vart við sig. í fyrra snjóaði mikið um mánaðamótin nóv./des. Búast má við nokkurri snjókomu næstu daga, en það verður allt í hófi. En eins og venjubundið er verða menn að vera viðbúnir. Formaður deildarinnar er Hallgrímur Sveinsson léttadrengur frá Eyri og situr hann fyrir svörum.

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31