Sjö litháískir listamenn á tröppum Simbahallar á Þingeyri í dag. Með þeim á myndinni er hallarfrúin hún Janne og fleiri.

Questioning Arts er samvinnuverkefni listamanna frá Vestfjörðum og Utena í Litháen. Alls fóru 6 vestfirskir listamenn á 3 vinnustofur í Utena frá maí - október á síðasta ári og nú stendur yfir síðasta vinnustofan á Þingeyri. Á meðan á henni stendur munu Litháensku listamennirnir heimsækja okkur og kynna verk sín á röð sýninga á næsta mánuði. 

   Nú á laugardaginn, 30. janúar verður fyrsta sýningin af fjórum í Simbahöllinni á Þingeyri. Listamenn munu verða á staðnum og kynna lokaafurð þeirra kl. 14, sýning opin til kl. 18. Þema fyrstu sýningarinnar er þjóðmenning Litháens. Sýningin er nefnd eftir litháískum málshætti: "Hvaðan kemur hljóðið - frá vanganum þínum eða lófanum mínum?" Íslenskir og litháískir listamenn unnu að margvíslegum verkum út frá yfirheiti vinnustofunnar sem var þjóðmenning Litháens, sögur, tónlist, handverk og arkitektúr. 

Listamenn á staðnum:

Lísbet Harðar Ólafardóttir 
Gunnar Jónsson 
Aurelija Maknytė
Jurgita Jakubauskaitė 
Jurgita Žvinklytė
Žilvinas Danys

Sýningin verður einnig opin sunnudaginn 31. janúar frá kl. 12-18 í Simbahöllinni á Þingeyri. Verið velkomin!