A A A
  • 1933 - Katrín Gunnarsdóttir
  • 1944 - Guğmundur Stefánsson
  • 1981 - Chatchai Phothiya
Landsbankinn á Şingeyri. Ljósm.: bb.is
Landsbankinn á Şingeyri. Ljósm.: bb.is
Sævar Þ. Ríkarðsson, útibússtjóri Landsbankans á Ísafirði segir ekki forsendur til að lengja opnunartíma útibús bankans á Þingeyri, en eins og fjallað hefur verið um á vef Bæjarins besta er mikið kurr í viðskiptavinum bankans vegna þeirrar skerðingar sem orðið hefur á afgreiðslutíma útibúsins þar. Eftir að bankanum var lokað á Þingeyri í lok septembermánaðar hefur fulltrúi frá bankanum hefur verið með þjónustuheimsóknir í útibúið einu sinni í viku, á þriðjudögum milli kl. 15-16. Meðalfjöldi afgreiðslna á opnunartíma eru 28 eins og hann hefur verið í haust. Fjöldi afgreiðslna segir til um fjölda þeirra sem er afgreiddur. Flestar hafa afgreiðslurnar orðið 35 og fæstar 21. 

Sævar Þ. Ríkarðsson, útibússtjóri Landsbankans á Ísafirði segir stuttan opnunartíma útibúa geta valdið því að viðskiptavinir þurfi að bíða eitthvað eftir afgreiðslu, sérstaklega í upphafi þjónustuheimsóknarinnar, en hann segir þann tíma þó ekki mjög langan þar sem hver afgreiðsla taki á bilinu 1-3 mínútur. Hann segir starfsmenn bankans aldrei hafa snúið fólki frá og lokið við að afgreiða alla viðskiptavini sem koma í bankann á þessum tíma og fyrir vikið hafi stundum teygst á þjónustuheimsóknunum. Sævar segir innanbúðarfólk Landsbankans vel opið fyrir því að endurskoða opnunartímann þegar á líður, ef þörf er á, út frá hreyfingum og álagi. 

Frá og með næsta þriðjudegi 17. nóvember, verður opnunartíminn á milli 13-14. Búið er að setja upp auglýsingu á Þingeyri vegna breytingarinnar. Sævar vill jafnframt benda á að hægt er að sinna bankaviðskiptum að miklu leyti í netbanka eða farsímabanka, sem hann segir gera bið eftir afgreiðslu gjaldkera óþarfa og viðvikið þægilegra. 
« September »
S M Ş M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30