A A A
  • 1931 - Gunnar Bjarnason
  • 1963 - Kristrún Helga Pétursdóttir
  • 1987 - Guđni Páll Viktorsson
21.02.2018 - 10:31 | Trausti Jónsson

Kröpp lćgđ gengur yfir landiđ

Vindaspá kl. 11:00 miđvikudaginn 21. febrúar. Frá Veđurstofu Íslands
Vindaspá kl. 11:00 miđvikudaginn 21. febrúar. Frá Veđurstofu Íslands
« 1 af 2 »
Ekki fer á milli mála að afar kröpp og djúp lægð gengur nú yfir landið með suðaustanstormi eða -roki víða á landinu og jafnvel ofsaveðri vestan til nú fram eftir morgni og er líður að hádegi. Yfir landið allt hafa verið gefnar út gular stormviðvaranir í flokki tvö og þrjú á miðhálendi og á austanverðu landinu, en appelsínugul stormviðvörun í flokki fjögur á vestanverðu landinu. 

Trausti Jónsson veðurfræðingur birti gervihnattamynd á bloggi sínu í gær sem hann fjallar um það sem kallað er hlýtt og kalt færiband, en hann segir: „myndin sýnir skýjakerfi mjög vaxandi lægðar suðvestur í hafi. Kerfið er nú rétt búið að slíta sig norður úr móðurlægðinni sem er reyndar fyrir sunnan þessa mynd. Það sem við sjáum er mikill hvítur skýjabakki - göndull nánast beint úr suðri. Þetta eru háreist ský sem leggjast upp undir veðrahvörfin - þetta fyrirbrigði er gjarnan kallað hlýtt færiband (hlf á myndinni) - flytur hlýtt og rakt loft úr suðri norður á bóginn en jafnframt upp - og svo í hæðarsveig til austurs (rauð ör).“

“Kalda færibandið (kf á myndinni) er flókið fyrirbrigði - sumir efast reyndar um tilvist þess - eða nafngiftina alla vega. En í því er málum þannig háttað að niðri við jörð er norðanátt, en áköf sunnanátt uppi, - en loftið í henni berst þó hægar til norðurs en kerfið sjálft. - Kerfinu „finnst“ þarna vera mikil norðanátt.“ 


Hann segir jafnframt að svo virðist sem fyrirbrigði er kallast „þurra rifan“ sé að myndast, en það er nokkuð er fylgir gjarnan lægðum í örum vexti. „Kalt loft vestan við lægðina dreifir úr sér til norðurs og suðurs og dregur þá niður veðrahvörfin - við niðurstreymi þeirra losnar úr læðingi mikill snúningur sem skrúfar þurra loftið enn neðar og að lokum inn í lægðarmiðjuna og eykur mjög á afl hennar. Við bestu skilyrði gerist þetta allt á fáeinum klukkustundum.“ Við þetta afhjúpar lægðin eðli sitt og miðja hennar kemur greinilega fram á myndum en Trausti segir að sjá megi haus lægðarinnar vestan við hvítustu skýin sem jafnframt eru hæstu skýin. Gulbrúna örin bendi á hvar sjávarmálslægðarmiðjan gæti verið. 

 

Á föstudag er síðan aftur von á krappri lægð sem Trausi segir enn hafa möguleika á að verða verri og langvinnri heldur en það sem við höfum verið að fjalla um hér.


Fyrir áhugasama má fylgjast með gangi lægðarinnar á gagnvirku korti hér.
« Júlí »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31