A A A
  • 1940 - HallgrÝmur Sveinsson
06.11.2016 - 08:45 | Vestfirska forlagi­,Emil Ragnar Hjartarson

K┌LUVARP Emils R. Hjartarsonar

Emil Ragnar Hjartarson lengst til hŠgri. Myndin er tekin sk÷mmu fyrir k˙luvarpskeppnina ß N˙pi. Ljˇsm.: BIB
Emil Ragnar Hjartarson lengst til hŠgri. Myndin er tekin sk÷mmu fyrir k˙luvarpskeppnina ß N˙pi. Ljˇsm.: BIB
« 1 af 5 »

Ég var aldrei góður í kúluvarpi en háði þó fleiri keppnir í því sporti en öllum öðrum íþróttagreinum til samans.
Heima á Flateyri keppti ég dögum saman við Gumb Maríasar frammi á Grund og tapaði alltaf, enda nokkuð yngri.

Vorið1953 kom Flosi Ólafsson til Akureyrar til að taka stúdentspróf í MA,hafði verið vikið úr skóla,en ekki hægt að meina honum að taka próf, ,hafði dvalið í útlegð vestur á Snæfellsnesi og búið sig undir prófið hjá séra Þorgrími á Staðarstað. 

Ekki elskuðu Akureyringar Flosa að ráði. Hann hafði semsé kveðið vísu um Akureyri þegar hann kvaddi einhvern tíma . 

Frá Akureyri er um það bil
ekki neins að sakna
Þó er fallegt þangað til
þorpsbúarnir vakna

Það lá kúla við heimavistarvegginn og er ekki að orðlengja að Flosi skoraði á mig í kúluvarpskeppni, ekki aðeins einu sinni heldur í hverjum hádegismatartíma á þriðju viku. Ég var orðinn hundleiður á þessu--en-- hvað gerir maður ekki fyrir Flosa.

Þegar ég fór að venja komur mínar á Melavöllinn á námsárum mínum í Reykjavík var þar oft Valbjörn Þorláksson, tugþrautar--og stangarstökkskappi. Kúluvarp var lakasta grein hans í tugþrautinni og er ekki að sökum að spyrja hann gerði mig að æfingarþræl,-- endalaus kúluvarpkeppni við "Sólbjörn" í æfingaskyni fyrir hann og valt á ýmsu með úrslit.

Að lokum. Hæst ber kúluvarps "keppni" á Núpi og var keppinauturinn enginn annar en "Strandamaðurinn sterki" Hreinn Halldórsson sem var gestur á Héraðsmóti ásamt fleiri köppum "að sunnan"
Ég man að Hreinn vann--en-- það mátti skrá árangur okkar með sömu tölustöfunum, munurinn var ekki meiri. Hann kastaði 21 metra ég 12 metra ( sentimetrum sleppt)

Ég hef ofnæmi fyrir kúluvarpi.

 

Af Facebook-síðu Emils R. Hjartarsonar.


« J˙nÝ »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & sv÷r