A A A
Haraldur Júlíusson formađur Björgunarfélags Ísafjarđar og Hrannar Pétursson upplýsingafulltrúi Vodafone viđ símann. Mynd: bb.is
Haraldur Júlíusson formađur Björgunarfélags Ísafjarđar og Hrannar Pétursson upplýsingafulltrúi Vodafone viđ símann. Mynd: bb.is
Vodafone fagnaði því í dag að hafa lokið áfanga í uppbyggingu GSM þjónustu á Vestfjörðum með því að hringja úr stærsta síma í heimi á Gemlufellsheiðinni. „Við vorum að ljúka með táknrænum hætti því uppbyggingarverkefni sem staðið hefur yfir á Vestfjörðum á árinu. Það hefur skilað margfalt stærra GSM-svæði í fjórðungnum en var í upphafi árs. Um það bil 30 GSM-sendar hafa farið í gang á árinu. Bæði er þetta verkefni á okkar eigin vegum og svo fyrir Fjarskiptasjóð sem samgönguráðuneytið stendur á bak við", segir Hrannar Pétursson upplýsingafulltrúi Vodafone. Haraldur Júlíusson formaður Björgunarfélags Ísafjarðar hringdi í Neyðarlínuna til að staðfesta það að hægt væri að hringja úr símanum og svo var hringt í samgönguráðherra og hann upplýstur um að þessum kafla í verkefninu væri lokið.

 

Vodafone hefur í ár unnið að því að koma upp sendum upp um allt land en drægni þeirra er mjög mikil og skiptir uppbyggingin því miklu máli á miðunum í kringum Ísland og til fjalla. Öllum að óvörum átti Gáttaþefur leið framhjá þar sem hann ætlaði að heimsækja leikskólabörn á Þingeyri. Hann var að vonum mjög forvitinn um hvað væri á seyði og fékk að hringja eitt símtal.

 

Áhugasömum er bent á að GSM-síminn stóri verður til sýnis í Pólnum fram að helgi og þar gefst fólki færi á að skoða hann og jafnvel prófa að hringja úr honum.

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31