A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
Rannsókna- og þróunarmiðstöð Háskólans á Akureyri hefur gert mat á samfélagsáhrifum nýs vegar um Dynjandisheiði. Mynd © Mats Wibe Lund.
Rannsókna- og þróunarmiðstöð Háskólans á Akureyri hefur gert mat á samfélagsáhrifum nýs vegar um Dynjandisheiði. Mynd © Mats Wibe Lund.
Rannsókna- og þróunarmiðstöð Háskólans á Akureyri hefur gert mat á samfélagsáhrifum nýs vegar um Dynjandisheiði fyrir Vegagerðina. Markmið rannsóknarinnar samkvæmt verksamningi var að meta áhrif af tilkomu heilsársvegar yfir Dynjandisheiði á samfélag og byggð á því svæði sem rannsókn þessi tekur til. Gefin forsenda er að jarðgöng milli Arnarfjarðar og Dýrafjarðar, svokölluð Dýrafjarðargöng, verði samtímis til staðar. Þannig kæmust á heilsárs samgöngur milli norðanverðra og sunnanverðra Vestfjarða.

Meðal þess sem fram kemur í niðurstöðum matsins er að bættar samgöngur gætu eflt Menntaskólann á Ísafirði, en þar sem hefði hefur skapast fyrir skólasókn annar staðar gæti slík breyting tekið langan tíma. Tekið er fram að útibú Fjölbrautaskóla Snæfellinga á Patreksfirði hefur verið í mikilli sókn. Þá segir m.a í niðurstöðunum:

„Tekjur einstaklinga á svæðinu eru að meðaltali lakari en á landinu í heild en eftir efnahagshrunið hefur orðið hagvöxtur í landshlutanum eftir langt skeið stöðnunar eða samdráttar. Áberandi er hve þjónusta leggur minna til framleiðslunnar en í öðrum landshlutum þannig að þarna virðast vera sóknarfæri. Samgöngubæturnar munu smám saman auka þjónustusókn innan landshlutans og þannig renna styrkari stoðum undir margvíslega starfsemi innan hans."

Þá kemur fram að verð fasteigna á Patreksfirði er lægst meðal 25 þéttbýlistaða á landinu í árslok 2009. „Þess má vænta að auðveldari sókn í ýmsa þjónustu frá sunnanverðum Vestfjörðum til Ísafjarðarsvæðisins muni hafa jákvæð áhrif á húsnæðismarkaðinn þótt ekki sé unnt að bregða tölulegum mælikvarða á þau," segir í matinu.

Þá segir að heilsársvegur milli Ísafjarðar og Patreksfjarðar yrði tæplega til þess að gerðar verði miklar breytingar á mannahaldi heilbrigðisstofnana. Til þess verður vegalengdin of mikil. Einhver samlegðaráhrif í yfirstjórn gætu þó komið til greina. Þá segir einnig í matinu að nýr vegur yfir heiðina myndi varla hafa teljandi áhrif á rekstur flugvalla og flugsamgöngur á athugunarsvæðinu.

Nánar má fræðast um málið á vef Vesturbyggðar.
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31