A A A
  • 1982 - Marinó Þórisson
23.06.2016 - 11:53 | Vestfirska forlagið,Emil Ragnar Hjartarson

Í minningu Benna Odds á 80 ár afmælisdegi - 23. júní 2016

Vegagerðarmenn í Verslunarmannahelgar ferð á Í-53, staddir í Pennudal (Peningsdal) í Vatnsfirði.
Vegagerðarmenn í Verslunarmannahelgar ferð á Í-53, staddir í Pennudal (Peningsdal) í Vatnsfirði.
« 1 af 4 »

Vegagerðarmenn í Verslunarmannahelgar ferð á Í-53, staddir í Pennudal (Peningsdal) í Vatnsfirði.

Á þessum árum var "Allrahanda" ekki til og rútur ekki á hverju strái. Auk þess vildu vegagerðarmenn ferðast ódýrt.

Benni Odds var aðal hvatamaðurinn og driffjöðrin þegar ráðist var í að smíða boddý sem passaði á vörubílspall, olíusoðið masonít neglt á sterklega trégrind, vírstrengur á öllum hornum, festur í króka undir pallinum og hafðar á vantspennur til að herða á.

Inni
 í gripnum voru svo trébekkir að sitja á--bifreiðaeftirlitsmaður á Ísafirði tók gripinn út og gaf hvítan miða. Sennilega hefði hann ekki lagt blessun sína yfir mannvirkið núna, það var sem sé venjulegt rúðugler í gluggum.

Á þessu farartæki var svo lagt í verslunarmannahelgar ferð. Við fórum út á Látrabjarg. Síðan stefnan tekin í Bjarkalund þar sem miklar samkomur voru um verslunarmannahelgi á þessum árum. Við tjölduðum í Berufirði , þaðan stutt í gleðina.

Ferðin var eftirminnileg en hennar verða ekki gerð frekari skil að sinni, hvað sem síðar kann að verða.

Ég rifja þetta upp á afmælisdegi vinar míns og fermingarbróður Benna Odds en hann hefði orðið áttræður í dag en var tekinn frá okkur allt of snemma.

 

Af Facebook-síðu Emils R. Hjartarsonar fimmtudaginn 23. júní 2016.

« Október »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31