A A A
22.12.2015 - 20:22 | Hallgrímur Sveinsson

Hrađfréttir úr Vestfirsku Ölpunum

Á hćsta tindi Vestfjarđa. Prestshjónin okkar fyrrverandi, séra Guđrún Edda Gunnarsdóttir  og próf. Einar Sigurbjörnsson, stödd á Kaldbak í Vestfirsku Ölpunum. Hann er eins og allir vita 998 metrar á hćđ. Sé varđan talin međ sem skátarnir hlóđu forđum, ţá erum viđ ađ tala um slétta 1000 metra. Ljósm. Eggert Stefánsson, Mannlíf og saga 6. hefti 1999.
Á hćsta tindi Vestfjarđa. Prestshjónin okkar fyrrverandi, séra Guđrún Edda Gunnarsdóttir og próf. Einar Sigurbjörnsson, stödd á Kaldbak í Vestfirsku Ölpunum. Hann er eins og allir vita 998 metrar á hćđ. Sé varđan talin međ sem skátarnir hlóđu forđum, ţá erum viđ ađ tala um slétta 1000 metra. Ljósm. Eggert Stefánsson, Mannlíf og saga 6. hefti 1999.

Færð og veður

Nú standa bæði loft og sjór hér vestra. Rennifæri á Ísafjörð og bara nefndu það. Enda fóru spekingarnir í kaupstað í gær. Grímsheiði verður ekki mokuð fyrir jól. Flughálka undir snjónum þar, sem er ekki mikill.

 
Vigdís Finnbogadóttir

Lesið verður um Vigdísi Finnbogadóttur, þá stórmerkilegu manneskju, í Sundlauginni hjá henni Tobbu í fyrramálið, Þorláksmessu. Komið verður m. a. inn á vanmetakenndina sem hún kannaðist við og ákvörðunina sem hún tók á Hrafnseyri 3. ágúst 1980.

Smáfuglarnir

Hvar eru smáfuglarnir? Þeir hafa varla sést í allt haust. Sumir segja að þeir séu upp á fjöllum. Hvað heldur þú lesandi góður?

Peningarnir

Landsbankinn var opinn á Þingeyri í dag, þriðjudag, milli 13 og 14. Þá gátu menn komið og lagt inn eða tekið út allt eftir atvikum.
 
 Miðbæjarkallinn

Miðbæjarkallinn kom með allt sitt fólk frá Reykjavíkinni í gær. Glimrandi færð alla leið vestur. Fór í Smáralind. Fékk sér sæti á einum bekknum og horfði á fólkið. Þekkti meira að segja suma.
 
Til hamingju með daginn

Í dag, þriðjudag, eru vetrarsólstöður. Þá byrjar sólin að hækka á lofti um hálft hænufet á dag.  Eftir jólin verður það orðið eitt fet á dag. Svo sagði Guðríður Gestsdóttir á Sæbóli í Haukadal strákunum í gamla daga. Þetta er svipað og þegar mús pissar í sjóinn bætti hún við. Kemst þó hægt fari, húsfreyja, sagði Njáll við Bergþóru sína forðum.

Vestfjarðabækurnar

Þó Vestfirska forlagið sé hætt að gefa út bækur eru Vestfjarðabækurnar enn að koma út. Skrýtið. Þegar þetta er skrifað eru bækurnar 5 sem komu út á árinu sumsstaðar að verða uppseldar! Ennþá skrýtnara!  
 
Jafnvægi í byggð landsins

Það er einkennileg árátta hjá sumum að vera alltaf að röfla um jafnvægi í byggð landsins. Nú er það komið á dagskrá enn eina ferðina. Gísli Guðmundsson, þingmaður úr Norður-Þingeyrajrsýslu, fann þetta hugtak upp á sínum tíma. Hann flutti oft langar ræður um það á Alþingi. Þá gneistaði af honum sögðu þeir. Þótti annars langorður. En hvað þýðir þetta hugtak? Er ekki bara ódýrast að allir flytji í nokkrar blokkir á mölinni fyrir sunnan?  -Verg þjóðarframleiðsla, hagvöxtur og hagræðing, la, la, la!                 (Meira seinna)
« September »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30