A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
28.10.2016 - 21:29 | Hallgrímur Sveinsson,Vestfirska forlagið

Hola, hola, hola hola á Vesturleið: - En hvaða vegur er holulaus hér fyrir vestan núna?

Vegurinn um Urðarhlíð fékk langþráða búningsbót í fyrra og var myndin þá tekin. Í vor var svo borið þetta fína slitlag á veginn. Ljósm.: H. S.
Vegurinn um Urðarhlíð fékk langþráða búningsbót í fyrra og var myndin þá tekin. Í vor var svo borið þetta fína slitlag á veginn. Ljósm.: H. S.
« 1 af 2 »

Eins og komið hefur fram er malarvegurinn hér á Vesturleið frekar erfiður þessa dagana. Eiginlega svakalegur. Segja má að það sé hola, hola, hola, hola! Þetta vill nú gerast svona í rigningartíð eins og að undanförnu. Víða bara 1. gírs keyrsla. En er þá enginn holulaus vegur hér um slóðir núna? Jú hann er nú til. Og hvar þá? Þótt ótrúlegt sé er það nú vegurinn á svokallaðri Urðarhlíð frá Dynjanda yfir að Ósi í Mosdal. Eiginlega bara alla leið út að Laugabóli. Það hefði nú einhverntíma þótt saga til næsta bæjar.  
 

   Eftir að vegurinn í Mosdalinn var lagður út Urðarhlíð 1957, hafa menn orðið að aka þar með fullri gát. Lítið um ofaníburð. Borið var þó nokkuð ofan í veginn á 1100 ára afmæli Íslandsbyggðar 1974. Og eitt og eitt hlass á stangli í þessi nærri 60 ár. En svo bar við að s. l. haust fékk vegurinn alveg dúndrandi fína búningsbót eins og sjá má á meðfylgjandi mynd. Í dag er vegurinn eins og hefluð fjöl. En hverjum skyldi það vera að þakka? Nánar um það síðar.


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31