A A A
16.06.2015 - 06:28 | Kristinn Jóhann Níelsson,BIB

Hátíđ á Núpi laugardaginn 27. júní 2015

Núpur í Dýrafirđi. Ljósm.: BIB
Núpur í Dýrafirđi. Ljósm.: BIB
« 1 af 4 »

09:00 Málþing

12:30 Hádegisverður

14:00 Guðsþjónusta í Núpskirkju

15:30 Opnun sýningar, tónlistarflutningur og léttar veitingar.

16:00 Síðdegisdansleikur með tónlist áranna 1930-1960

 

Laugardaginn 27. júní nk verður haldin Hátíð á Núpi í Dýrafirði. Þemað er   sálmaskáldið, þjóðlagasafnarinn og tónlistarfræðingurinn Sigtryggur Guðlaugsson. Hátíðin samanstendur af málþingi, guðsþjónustu, opnun sýningar og síðdegisdansleik. 

 

Málþingið hefst kl. 9:00 í sal Gistiheimilisins á Núpi og lýkur kl. 12:30.   

Erindi flytja dr. Bjarki Sveinbjörnsson tónlistarfræðingur,
Una Margrét Jónsdóttir dagskrárgerðarmaður á Rás 1,
Aðalsteinn Eiríksson fyrrverandi formaður Hollvinafélags Núpsskóla,
og Þröstur Sigtryggsson.
Kynnir og umsjónarmaður er Kristinn Jóhann Níelsson. Meðal þess sem fjallað er um á málþinginu er tónlistarkennslan á Núpi, þjóðlagasöfnun Sigtryggs og samstarf hans og Bjarna Þorsteinssonar við gerð bókarinnar Íslensk tónlist.

Einnig verður fjallað um bók Sigtryggs, 70 sönglög, og hugmyndir hans um gamla og nýja íslenska sálma. Söngiðkun á heimili þeirra Sigtryggs og Hjaltlínu eiginkonu hans verður einnig á dagskránni í tali og tónum.     

 

Guðsþjónusta verður í Núpskirkju kl. 14:00. Í tilefni hátíðarinnar verður guðsþjónustan í anda Sigtryggs Guðlaugssonar og eingöngu sungin sálmalög eftir hann. Kirkjukór Þingeyrarprestakalls syngur. Einsöngur: Telma Björg Kristinsdóttir. Organisti er Tuuli Rähni.

 

Opnun sýningar um tónlistarstarfsemi Sigtryggs, hefst kl. 15:30 í anddyri Gistiheimilisins á Núpi með ávarpi og léttum veitingum. Þar fá gestir einstaka innsýn í tónlistarheim Sigtryggs og bróður hans, Kristins Guðlaugssonar, en hann samdi einnig sálma, lög og ljóð. Sýningarefni er að miklu leyti úr bóka- og handritasafni Sigtryggs, en einnig langspil, autoharpa, tónsproti og nótnatafla. Til sýnis verða gamlar kvikmyndir og upptökur frá viðburðum. Þá verður frumflutt ný útsetning eftir Guðmund Óla Sigurgeirsson á Dansvísu eftir Sigtrygg.

 

Síðdegisdansleikur verður haldinn í framhaldi af opnun sýningarinnar í sal Gistiheimilisins á Núpi, þar sem gestum og gangandi verður boðið að hlusta á kærar dægurperlur áranna 1930 - 60 og taka snúning á dansgólfinu. Það er Lummósveit Lýðveldisins sem leikur. Hana skipa Guðmundur Óli Sigurgeirsson, Kristján Ólafsson, Brian Roger Haroldsson, Kristinn Jóhann Níelsson, Jón Mar Össurarson og Natalía Bender.   

 

Samstarfsaðilar eru Uppbyggingarsjóður Vestfjarða, Prófessorsembætti Jóns Sigurðssonar við Háskóla Íslands, Gistiheimilið á Núpi, Héraðsnefnd Vestfjarðaprófastsdæmis, Þröstur Sigtryggsson, Tónlistarsafn Íslands, Safnahúsið á Ísafirði, Hollvinafélag Núpsskóla og Þingeyrarkirkja.

 

Aðgangur að hátíðinni, fyrir utan hádegisverð, er ókeypis og allir velkomnir.  

 

Með kveðju,

Kristinn Jóhann Níelsson

kristinnjnielsson@simnet.is

kristinnmusik@gmail.com

4567846

8490115

« Febrúar »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28