A A A
12.06.2015 - 06:50 | Hallgrímur Sveinsson

Gróđursett, grisjađ og girt

 Í skógarreitnum á Brekku í Brekkudal í Dýrafirđi 26. sept. 1986. Ljósm.: H.S.
Í skógarreitnum á Brekku í Brekkudal í Dýrafirđi 26. sept. 1986. Ljósm.: H.S.

Gamla myndin:

Myndin sem hér birtist, var tekin í skógarreitnum á Brekku í Brekkudal í Dýrafirði 26. sept. 1986, fyrir nærri þrjátíu árum. Þá höfðu eldri nemendur og kennarar Barna-og unglingaskólans á Þingeyri fengið leyfi frá hefðbundnum skólastörfum í eina þrjá daga. Verkefnið þessa daga var að gera skógarreitnum til góða. Kaupfélag Dýrfirðinga gaf efni í nýja girðingu, en sú gamla var ónýt. Svo var gróðursett og grisjað.

Hulda Sigmundsdóttir, kennari og fréttaritari Morgunblaðsins skrifaði stóra grein í blaðið um þetta skemmtilega verkefni. Og nú er bara að þekkja sjálfan sig og aðra á myndinni. Ljósmyndina tók Hallgrímur Sveinsson, þáverandi skólastjóri, á nýja myndavél sem honum hafði áskotnast frá Japan. Hún skilaði dagsetningu á hverja mynd eins og sjá má.

   Þess skal getið, að það var Ungmennafélagið Vorboði sem hóf gróðursetningu í reitnum um 1950.

 

Hallgrímur Sveinsson.

« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30