Gamla myndin: - Sigurjón á Lokinhömrum við orgelið í Hrafnseyrarkapellu
![17. júní 1998 var meðf. mynd tekin af Sigurjóni. Er hann á henni að spila sálma á orgelið í Minningarkapellu Jóns Sigurðssonar á Hrafnseyri. Móðir Sigurjóns, Sigríður Andrésdóttir, kunni sennilega lög við alla sálmana í gömlu sálmabókinni, að okkur minnir. Sama var um Sigurjón. Þau voru ekki mörg sálmalögin sem komu honum á óvart. Ljósm. H. S.](/s_files/images/1/2342/t_image572e6471e3c41/17_juni_1998_var_medf_mynd_tekin_af_Sigurjoni_Er_hann_a_henni_ad_spila_salma_a_orgelid_i_Minningarkapellu_Jons_Sigurdssonar_a_Hrafnseyri_Modir_Sigurjons_Sigridur_Andresdottir_kunni_sennilega_log_vid_alla_salmana_i_gomlu_salmabokinni_ad_okkur_minnir_Sama_var_um_Sigurjon_Thau_voru_ekki_morg_salmalogin_sem_komu_honum_a_ovart_Ljosm_H_S_.jpg)
Ómar Ragnarsson ræddi á sínum tíma við Sigurjón G. Jónasson, sauðfjárbónda á Lokinhömrum í Arnarfirði í Stikluþáttum sínum. Kom þar margt fram um líf bóndans á stað sem ekki er í alfaraleið. Meðal annars sagði Sigurjón Ómari, að ef örlög sín hefðu ekki verið bundin sauðkindinni, hefði hann sennilega lagt fyrir sig tónlist. Kom mörgum á óvart.
Þess er að minnast, að til var handsnúinn grammófónn á Lokinhömrum. Það var nú ekkki alltaf verið að spila á hann. En á sunnudögum eftir útvarpsmessuna var grammófónninn tekinn fram. Draumur fangans með Erlu Þorsteinsdóttur var uppáhaldsplatan, alla vega á tímabili. Oft spiluð. Og fleiri 78 snúninga grammófónplötur voru til á bænum: Alfreð Clausen, Haukur Morthens, Ragnar Bjarnason og slíkir höfðingjar ásamt söngdívum nokkrum.