A A A
  • 1978 - Jolanta Sierzputowska
  • 1978 - Brynja K Svenna
07.03.2015 - 06:58 | BIB,skutull.is

Galdrakarlinn ķ Oz fluttur į Žingeyri

Leikdeild Höfrungs á Þingeyri gerir það ekki endasleppt. Margir muna vel eftir sýningunni um hina ástsælu Línu Langsokk, sem sló öll met í fyrra. Nú gefa Dýrfirðingar enn í og ætla að setja á svið ævintýrið um Galdrakarlinn í Oz. Æfingar hafa staðið yfir frá því í lok janúar og nú er komið að lokasprettinum. Aðalhutverkið, Dórótheu litlu stúlkuna frá Kansas, leikur Gréta Proppé Hjaltadóttir nemandi við Grunnskólann á Þingeyri. Leikstjóri er Elfar Logi Hannesson.

Frumsýning á Galdrakarlinum í Oz verður annan laugardag, 14. mars klukkan 14 í Félagsheimilinu á Þingeyri. Önnur sýning verður strax daginn eftir sunnudaginn 15. mars. Miðasala hefst í dag, föstudag, í síma 864-2974 og er miðaverð aðeins 2.800 krónur. Þeir sem ekki komast 14. og 15. mars geta huggað sig við það að ráðgerðar eru þrjár sýningar á Galdrakarlinum á Þingeyri um páskana. Alls taka 16 leikarar þátt í sýningunni og annar eins hópur starfar að tjaldabaki. Það má búast við sannkallaðri töfrastund á Þingeyri næstu mánuði enda hefur sjálfur Galdrakarlinn í Oz tekið sér þar búsetu að minnsta kosti um stundarsakir.

Í kynningu segir að Galdrakarlinn í Oz sé sérlega viðamikil sýning og er þetta er í fyrsta sinn sem þessi leikgerð af verkinu er sýnd innandyra. Já, innandyra. Því áður hefur aðeins Leikhópurinn Lotta sýnt verkið um land allt og að vanda eru sýningar þess frábæra leikhóps utandyra. Höfundur leikgerðar er Ármann Guðmundsson, ein aðalsprautan í Ljótu hálfvitunum. Tónlistin er eftir Ljótu hálfvitana auk þess sem hinn vestfirski Guðmundur Hjaltason hefur samið nokkur lög sérstaklega fyrir þessa uppfærslu.

Sýningar:
Frumsýning lau. 14. mars kl.14.00
2 sýning sun. 15. mars kl.14.00
3. sýning lau. 21. mars kl.14.00
4. sýning sun. 22. mars kl.14.00

Sýningar um páska:
5. sýning fös. 3. apríl kl.17.00
6. sýning fös. 3. april kl.20.00
7. sýning lau. 4. apríl kl.14.00

Miðasala á allar sýningar hefst föstudaginn 6. mars. Miðasölusími: 864 2974

« Febrśar »
S M Ž M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28