A A A
  • 1985 - Ágúst Helgi Stefánsson
13.07.2017 - 20:50 | Vestfirska forlagiđ,Hallgrímur Sveinsson,Björn Ingi Bjarnason

Fréttir úr Arnarfirđi: - Örn á flugi og hreppstjórinn búinn ađ ná 16 tófum og Arnfinnur 28

Á Tjaldanesi er eitthvert fegursta bćjarstćđi hér um slóđir. Ljósm.: H.S.
Á Tjaldanesi er eitthvert fegursta bćjarstćđi hér um slóđir. Ljósm.: H.S.
« 1 af 2 »

Í fyrrinótt sást örn á flugi yfir Tjaldanesi í Arnarfirði. Ekki fer nánari sögum af þeim konungi.

Fyrstur bjó á Tjaldanesi maður að nafni Örn, ágætur maður að sögn Landnámu. Fjörðurinn er væntanlega kenndur við hann, ef ekki bara sjálfan konung fuglanna.

Á Tjaldanesi gengur sól eigi af um skammdegi. Sennilega hefur kallinn slegið upp tjöldum á nesinu og þar af nafnið. Án rauðfeldur og Grelöð spúsa hans á Eyri keyptu öll lönd af Erni milli Langaness og Stapa, en Örn flutti norður í Eyjafjörð.

Svo er frá því að segja, að Hreinn Þórðarson, hreppstjóri og æðarbóndi á Auðkúlu, hefur nú fellt 16 melrakka á þessari önn, eins og þeir segja fyrir sunnan. Þetta er náttúrlega með ólíkindum. Hreinn gengur nefnilega ekki heill til skógar hvað sjón snertir.

Arnfinnur Jónsson, sonur Jóns heitins refs, er aftur á móti búinn að fella 28 dýr í Auðkúluhreppi á þessu vori. Þó er hann ekki með Gömlu löng í höndunum, sem var frægasta byssa pabba hans. En Arnfinnur er ein nafnkunnasta skytta landsins. Fréttir af öðrum dýrum merkurinnar í Arnarfirði koma síðar.

Það skal svo að lokum upplýst, að gamla hreppsnefndin Auðkúluhrepps liggur enn undir feldi og íhugar endurreisn hreppsins. Það ku koma bomba um það mál innan skamms.




« Júlí »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör