Frá fyrri tímum: - Snjóskriða á bíl við Ófæru. Mildi að ekki urðu slys áfólki. Bíllinn stórskemmdur.
Í Þjóðviljanum miðvikudaginn 14. jan. 1987 lesum við eftirfarandi:
„Það var stórlán að við sluppum með skrekkinn, enda þótt bfllinn hafí skemmst töluvert" sagði Guðmundur Sören Magnússon bóndi á Brekku í Þingeyrarhreppi í samtali við Þjóðviljann en hann varð fyrir því að fá snjóskriðu yfír fólksbfl sinn þegar hann var á leið til Þingeyrar frá Ísafírði ásamt fjölskyldu sinni á sunnudagskvöld.
Stór snjóskriða féll á föstudag yfir veginn við svokallaða Ófæru norðan megin Dýrafjarðar og taldi Guðmundur að skriðan sem féll yfir bílinn hefði verið snjóstykki sem sprungu úr klettabeltinu en féllu ekki þá.
„Þegar ég kom efst í Ófæruna sá ég stór snjóstykki á veginum og varð litið upp í hlíðina. Þá sá ég skriðuna koma niður beint fyrir ofan okkur og bakkaði eins hratt og ég gat. Aðalskriðan kom því fyrir framan bílinn en stórir kögglar lentu á toppi bílsins og splundruðust þar og stórskemmdu hann þannig að hann lagðist niður að hálfu.
Ég reyndi að halda mig sem næst snjóstálinu sem er um 3-4 metra hátt þarna."
Guðmundur ók til baka að bænum Gemlufalli og hringdi þaðan í bróður sinn sem sótti hann og fjölskylduna á bát yfir fjörðinn. Fleiri þurftu að leita aðstoðar vegna skriðunnar og farnar voru tvær bátsferðir með fólk til viðbótar.
„Það er mildi að ekki hafa orðið slys á fólki á þessum stað, því þarna hafa margsinnis fallið snjóskriður" sagði Guðmundur.
Nú er mjög snjóþungt á Vestfjörðum og á Breiðadalsheiði er snjóstálið 6-7 metrar, og veggirnir farnir að síga saman vegna
hláku. -vd.
(v. d. er trúlega Vilborg Davíðsdottir þeirrra Kötu og Davíðs heitins frá Þingeyri)
