A A A
  • 1992 - Hannes Pétur Einarsson
  • 1994 - Jón Þorri Jónsson
29.06.2016 - 20:56 | Vestfirska forlagið,Morgunblaðið

Erna Elíasdóttir - Fædd 8. júlí 1939 - Dáin 16. júní 2016 - Minning

Erna Elíasdóttir
Erna Elíasdóttir
Erna Elíasdóttir fæddist á Þingeyri við Dýrafjörð 8. júlí 1939. Hún lést á heimili sínu 16. júní 2016.

Erna var dóttir hjónanna Jóhönnu Þorbergsdóttur, húsmóður, og Elíasar Kristjáns Jónssonar, skrifstofumanns á Þingeyri. Systir Ernu var Auður Elíasdóttir, maki Kjartan H. Guðmundsson.

Erna lauk barnaskóla á Þingeyri. Hún fluttist unglingur til systur sinnar og mágs í Reykjavík, hóf störf í sælgætisgerðinni Freyju og vann þar uns hún hóf nám í Hússtjórnarskóla Reykjavíkur og útskrifaðist þaðan vorið 1958. Erna vann í fyrstu við fiskvinnslu og síðar við afgreiðslu hjá Sláturfélagi Suðurlands á Akranesi. Starfsvettvangur Ernu færðist inn á heimili þeirra hjóna, við heimilisstörf og barnauppeldi.

Eftir að börn þeirra Ernu og Þorsteins fluttu úr heimahúsum vann hún til ársins 2005 í Fjöliðjunni á Akranesi.

Þær systur settust að á Akranesi haustið 1958 ásamt eiginmönnum sínum og bjuggu þar báðar ævina á enda. Erna giftist Þorsteini Ragnarssyni, sem lærði til blikksmíði hjá svila sínum og vann í því fagi þar til hann hóf störf við gerð Búrfellsvirkjunar. Þegar henni lauk gerðist hann framkvæmdastjóri Skagaprjóns hf. Eftir það hóf hann störf hjá Íslenska járnblendifélaginu og lauk þar starfsævinni haustið 2003.

Þau hjón tóku í fóstur bróðurdóttur Þorsteins, Kristínu Þorgerði Reynisdóttur. Maki: Yves Deferne, þau hjón búa í Sviss. Börn þeirra eru a) Sandra Deferne, b) Gísli Deferne c) Nicolas Þorsteinn Deferne.

Þau Erna og Þorsteinn eignuðust fjögur börn sem eru.
1) Björk Þorsteinsdóttir. Maki 1: Kristinn Friðriksson. Þeirra synir a) Friðþór Örn Kristinsson, sonur hans með Ingu Sif Ingvarsdóttur er Elías Ibsen. b) Bjarki Freyr Kristinsson. Maki 2: Gunnlaugur Kristinsson, með honum eignaðist Björk a) Kormák Breka Gunnlaugsson.
2) Elín Ragna Þorsteinsdóttir. Maki: Ómar Rögnvaldsson, þeirra synir eru a) Máni Steinn Ómarsson, b) Ernir Valdi Ómarsson. 3) Lilja Þorsteinsdóttir. Maki 1: Lárus Hermannsson þeirra börn a) Líf Lárusdóttir, b) Snorri Már Lárusson. Maki 2: Valdimar K. Sigurðsson, þeirra börn: a) Vigný Lea Valdimarsdóttir, b) Víkingur Þórar Valdimarsson. Dóttir Valdimars af fyrra sambandi er Viktoría Venus.
4) Elías Kristján Þorsteinsson. Maki: Marta Valsdóttir. Þeirra börn eru a) Erna Björt Elíasdóttir, b) Elía Valdís Elíasdóttir, c) Nadía Steinunn Elíasdóttir. Sonur Mörtu af fyrra sambandi er Kristján Valur Jóhannsson.

Útför Ernu fór fram frá Akraneskirkju í gær, þriðjudaginn 28. júní 2016

 

Morgunblaðið 28. júní 2016

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31