26.09.2017 - 06:48 | Vestfirska forlagið,Morgunblaðið,Hallgrímur Sveinsson,Björn Ingi Bjarnason
Enginn hefur skoðað Núp
Núpur í Dýrafirði. Ljósm.: BIB
Ríkiskaup auglýstu í júlí síðastliðnum til sölu þrjár húseignir að Núpi í Dýrafirði. Um er að ræða skólabyggingu og tvær heimavistir, alls rúmlega 4.500 fermetra.
Guðmundur Ástvaldsson á Núpi átti að sýna áhugasömum eignirnar en enginn hefur haft samband við hann, að því er hann tjáði blaðamanni í gær. Sumarhótel hefur verið rekið á Núpi en starfsemi hefur verið lítil yfir veturinn. Eitt og eitt námskeið, að sögn Guðmundar.
Eignirnar þrjár á Núpi sem ríkið vill selja eru gamli skólinn, hús með heimavist, kennslustofum og íbúðum og loks skólastjórahús og heimavist.
