Forsíða
Hafa samband
English
A A A
  • 1902 - fæddist Halldór Laxness
  • 1950 - Ólafía Sigurjónsdóttir
  • 1965 - Kristbjörg Bjarnadóttir
  • 1989 - Harpa Sjöfn Friðfinnsdóttir
  • 1990 - Snorri Karl Birgisson
  • 1998 - Magnús Freyr Jónasson
29.01.2015 - 20:26 | bb.is

Engin vinnsla frá því fyrir jól

Þingeyri við Dýrafjörð. Ljósm. Mats Wibe Lund.
Þingeyri við Dýrafjörð. Ljósm. Mats Wibe Lund.
Engin vinnsla hefur verið í fiskvinnslu Vísis á Þingeyri síðan fyrir jól. „Við vorum send í jólafrí og síðan hefur ekki heyrst frá þeim, það hefur ekki verið nein vinna,“ segir Ísleifur Aðalsteinsson sem hefur starfað hjá Vísi um langt árabil. „Okkur var sagt upp um áramótin og ég held að enginn viti neitt um framhaldið, við fáum ekki að frétta neitt annað en það sem við heyrum í fréttum hér og þar,“ segir Ísleifur. Hann hefur ekki fengið neina skýringu frá stjórnendum Vísis hvers vegna vinnsla hefur legið niðri. „Það sem við höfum heyrt utan að okkur er að það væri vegna lélegs fiskerís og að þeir hefðu undan í Grindavík.“ 

Starfsfólki Vísis á Þingeyri stóð til boða störf hjá Vísi í Grindavík. Ísleifur segist hafa heyrt að einhverjir væru að hugsa sig til hreyfings. „Það er þá fólk í leiguhúsnæði og getur tekið sig upp auðveldlega. Það er erfiðara fyrir þá sem eiga hús,“ segir hann. Ísleifur á húsnæði á Þingeyri og sér ekki hvernig hann eigi að geta selt húsið, velji hann að flytja frá Þingeyri. „Ég veit ekki hvernig maður á að gera það. Það er búið að gera húsnæðið verðlaust ef það er engin vinna á staðnum. Það kaupir þetta enginn nema mögulega einhver sem er að leita sér að sumarbústað,“ segir Ísleifur
Til baka
« Apríl »
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Eldri spurningar & svör