A A A
Ragnar Reykás
Ragnar Reykás

Þingeyrarvefnum hefur borist afrit að eftirfarandi bréfi frá Ragnari Reykás, bankastjóra Gleðibankans. Það skal tekið fram, að frá Grafarvogi í Reykjavík til Selfoss eru um 5o km sé ekin Hellisheiði. Svo menn átti sig á vegalengdunum, eru um 50 km frá Þingeyri til Ísafjarðar. 

 

Ekkifrétt að vestan:

Gleðibankinn færir afgreiðslu sína frá Grafarvogi til Selfoss

                                    Gleðibankinn 21. sept. 2015.

Ágæti viðskiptavinur.

Með bréfi þessu vil ég greina þér frá því að Gleðibankinn hefur ákveðið að sameina afgreiðslu sína í Grafarvogi útibúi bankans á Selfossi frá og með 25. september. 

   Þessi sameining sem nú verður er liður í stefnu bankans um hagræðingu í rekstri. Við hana verður til eitt stórt öflugt útibú á Selfossi sem ætlað er að veita víðtækari þjónustu en áður. Við teljum að með þessum hætti skapist tækifæri fyrir Gleðibankann sem viðskiptavinir muni njóta góðs af.

   Við skiljum mæta vel að þessi tíðindi kunni að valda áhyggjum. Einkum vegna þess að afgreiðslan í Grafarvogi var eina afgreiðsla bankans á Reykjavíkursvæðinu. Við viljum fullvissa þig um að við munum leggja okkur fram um að tryggja að áhrifin verði farsæl fyrir samfélagið allt.

     Með góðri kveðju.

                                    Ragnar Reykás

                                       Bankastjóri

« September »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30