A A A
Frá heimsókninni
Frá heimsókninni
Tvær eistneskar tónlistarkonur heimsóttu grunnskólabörn á Þingeyri á föstudag en með þeim léku vinir þeirra, tónlistarhjónin Krista og Raivo Sildoja, sem búsett eru á Þingeyri. Konurnar eru þessa dagana á kynnisferð um Ísland. Í heimsókninni í skólann var leikið á ýmis þjóðarhljóðfæri Eistlendinga svo sem kannel, hiiu kannel. Torupill (sekkjapípa), parmupill (gyðingaharpa) og fiðlu. Eistnesku tónlistarkonurnar Leanne Barbo og Marju Varblane hafa leikið þjóðlagatónlist og lagt stund á þjóðdansa síðustu 10 ár og nú eru þær á ferð um Ísland til að kynna sér íslenskar hefðir og jafnframt kynna hefðir sins lands. Þjóðlegur söngur, hljóðfæraleikur og dans eru afar ríkir þættir í eistneskri menningu og sjálfstæðisbarátta Eistlendinga á árunum 1987-1991 hefur oft verið kölluð „Byltingin syngjandi."

Í kvöld halda Leanne og Marju þjóðlaga- og þjóðdansanámskeið í Félagsheimilinu á Þingeyri og hefst það kl. 20. Þar kenna þær þjóðdansa og þjóðlög frá ýmsum löndum. Allir eru velkomnir en námskeiðsgjaldið er 1.000 kr. og 500 kr. fyrir skólabörn.

Á miðvikudagskvöld kl. 20 verða tónleikar í Hömrum á Ísafirði undir yfirskriftinni „Eistneskt þjóðlagakvöld með myndaívafi". Á tónleikunum spila og syngja Leanne Barbo, Laura Barbo og Marju Varblane sem eru þessa dagana á kynnisferð um Ísland, en með þeim leika vinir þeirra, tónlistarhjónin Krista og Raivo Sildoja, sem búsett eru á Þingeyri. Leikið verður á ýmis þjóðarhljóðfæri Eistlendinga s.s. kannel, hiiu kannel. Torupill (sekkjapípa), parmupill (gyðingaharpa) og fiðlu. Þá verður myndum frá Eistlandi varpað á tjald. Tónleikarnir eru um klukkustund að lengd og aðgangseyririnn, 1.000 kr. og 500 kr. fyrir skólabörn rennur í ferðasjóð tónlistarkvennanna.
« Ágúst »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31