Breiðfirðingafélagið sló alla út í Spurningakeppni átthagafélaganna
![Myndin sem hér fylgir er af vef Breiðfirðingafélagsins. Þriggja manna lið kepptu en fólk skiptist á og alls fimm manns kepptu fyrir Breiðfirðingafélagið. Sitjandi frá vinstri: Karl Hákon Karlsson, Páll Guðmundsson og Grétar Guðmundur Sæmundsson. Fyrir aftan: Urður María Sigurðardóttir og Elís Svavarsson.](/s_files/images/1/1065/t_image517a265f64953/Myndin_sem_her_fylgir_er_af_vef_Breidfirdingafelagsins_Thriggja_manna_lid_kepptu_en_folk_skiptist_a_og_alls_fimm_manns_kepptu_fyrir_Breidfirdingafelagid_Sitjandi_fra_vinstri_Karl_Hakon_Karlsson_Pall_Gudmundsson_og_Gretar_Gudmundur_Saemundsson_Fyrir_aftan_Urdur_Maria_Sigurdardottir_og_Elis_Svavarsson.jpg)
Breiðfirðingafélagið sigraði í Spurningakeppni átthagafélaga, en úrslitakeppnin við Noirðfirðingafélagið fór fram í Breiðfirðingabúð í fyrrakvöld.
Lið sextán félaga tóku þátt í keppninni, þar af voru níu með rætur á Vestfjarðakjálka eða kringum Breiðafjörð.
Félögin sem Breiðfirðingafélagið sló út á leið sinni á sigurbrautinni voru Barðstrendingafélagið, Árnesingafélagið, Skaftfellingafélagið og loks Norðfirðingafélagið í úrslitarimmunni í fyrrakvöld.
Barðstrendingafélagið fékk verðlaun fyrir besta klappliðið í keppninni.
Dýrfirðingafélagið hlaut verðlaun fyrir bestu tilþrifin í leiknum.
Höfundur spurninga og dómari í keppninni allri var Gauti Eiríksson kennari og leiðsögumaður frá Stað á Reykjanesi.
Verðlaunin fyrir Pubkvissið hlaut Dýrfirðingurinn Þorbergur Steinn Leifsson en hann hlaut flugferð fyrir tvo með Wow air til Evrópu. Það var ÍNN sem gaf þessi verðlaun.