08.06.2016 - 19:52 | bb.is,Vestfirska forlagið
Bíldudalstengin hluti af nýjum vegi
Séð niður í Arnarfjörð frá Dynjandisheiði. Mynd: Mats Wibe Lund.
„Það er náttúrlega alveg hugsað fyrir þeirri tengingu við hönnun á veginum um Dynjandisheiði. Síðan er bara spurning um framkvæmdaröð og fjármagn á hverjum tíma hversu fljótt það kemur. En við lítum á þetta sem eitt samhangandi verkefni þannig að menn eru að byggja þennan veg milli suður- og norðurfjarða líka með það í huga að þetta sé til að tengja þéttbýlisstaðina á sunnanverðum fjörðunum. Þannig að það mun ekki gleymast,“ sagði Hreinn Haraldsson vegamálastjóri í fréttum Stöðvar 2.
