12.07.2015 - 07:17 | Úr hinum vestfirska sagnaarfi:
Álagningarprósentan
Guðbjartur Jónsson - Vagnstjóri á Flateyri. Ljósm.: BIB
Guðbjartur Jónsson, veitingamaður og Vagnstjóri á Flateyri, er Samvinnuskólagenginn maður. Í Samvinnuskólanum lærði Bjartur allt er varðar álagningu verslunar á vöruna og hversu mikið munaði um hvert prósentustigið í þeim efnum. Guðbjartur er landskunnur fyrir mismæli sín og verður honum oft hált á svelli máltækjanna.
Eitt sinn var hann að prédika yfir félögum sínum gildi þess að huga að hinu smáa og menn mættu alls ekki gleyma gildi þess í verslunarrekstrinum. Vagnstjórinn endaði ræðu sína og sagði drjúgur með sig:
Margt smátt gerir lítið eitt.
Úr hinum vestfirska sagnaarfi:
