Íþróttafélagið Ívar heldur sitt árlega Halldórs Högna mót í boccia í íþróttahúsinu á Þingeyri kl. 11.00 á morgun, sunnudag. Ívar hefur um árabil staðið fyrir mótinu á vorin í góðri samvinnu við íþróttafélagið Höfrung á Þingeyri. Nýjasta aðildarfélagi HSV er boðið að taka þátt í mótinu. Keppt verður í sveitakeppni um farandbikar sem gefinn var af Halldóri Högna Georgssyni. Ekkert þátttökugjald er á mótinu og allir eru velkomnir!