A A A
  • 1935 - Vagna Sólveig Vagnsdóttir
Fyrirhuguğ göng. Mynd: Vegagerğin.
Fyrirhuguğ göng. Mynd: Vegagerğin.
Einungis ein leið er talin koma til greina við lagningu nýs vegar og nýrra ganga á milli Arnarfjarðar og Dýrafjarðar, að því að fram kemur í tilkynningu frá Vegagerðinni. Kannaðar hafa verið jarðfræðilegar aðstæður til gangagerðar á milli Dýrafjarðar og Borgarfjarðar í Arnarfirði og þykir ljóst að eina leiðin sem kemur til greina sé frá Mjólká í Arnarfirði að Dýrafjarðarbrú. Tilgangur framkvæmdarinnar er að tryggja góðar og öruggar samgöngur á Vestfjarðavegi nr. 60 á milli Arnarfjarðar og Dýrafjarðar, að því er fram kemur í tilkynningu, og mun það vera skilyrði þess að heilsárs vegarsamband sé á milli Barðastrandarsýslna og Ísafjarðarsýslna. „Núverandi vegur er óviðunandi bæði vegtæknilega og með tilliti til umferðaröryggis. Hann er ófær stóran hluta af vetrinum og einnig er mikil snjóflóðahætta á Hrafnseyrarheiði."...
Meira
07.08.2008 - 23:29 | eöe

Gjöf til Grunnskólans á Şingeyri

Grunnskólinn á Şingeyri fékk gjöf til minningar um Dolla Sig í sumar.
Grunnskólinn á Şingeyri fékk gjöf til minningar um Dolla Sig í sumar.
Í sumar barst Grunnskólanum á Þingeyri vegleg peningagjöf til minningar um Adolf Sigurðsson, betur þekktur sem Dolli Sig.
Dolli Sig fæddist árið 1919 og bjó alla sína tíð á Þingeyri. Hann lést árið 2000. Minnningargjöfin um Dolla Sig var nýtt til kærkominnar endurnýjunnar á tækjakosti í textílmenntarstofu skólans og voru keyptar sex nýjar Husquarna saumavélar.

Góð gjöf til minningar um góðan mann.

Ölvağur bílstjóri keyrği um tjaldsvæğiğ á Şingeyri.
Ölvağur bílstjóri keyrği um tjaldsvæğiğ á Şingeyri.
Aðfararnótt laugardags var húsbíl ekið um tjaldstæðið á Þingeyri, og er ökumaður grunaður um ölvun við akstur. Ökumaðurinn ók meðal annars yfir hluta tjalds, þar sem erlendur ferðamaður þurfti að gerast viðbragðsfljótur og velta sér undan er hann sá bílljósin nálgast tjaldið. Ökumaður bílsins var handtekinn. Annar ökumaður, sem einnig var grunaður um ölvun við akstur, var síðan stöðvaður á Barðaströnd á laugardaginn. Eins og gefur að skilja voru málefni umferðarinnar hugleikin lögreglunni á Vestfjörðum á helginni, enda gríðarmikið keyrt um vegi fjórðungsins þessa mestu ferðahelgi ársins, og voru 40 ökumenn stöðvaðir fyrir of hraðan akstur. Sá sem hraðast ók var stöðvaður á Gemlufallsheiði á 140 km hraða, þar sem hámarkshraði er 90 km/klst....
Meira
31.07.2008 - 23:33 | bb.is

Nıtt hitamet á Vestfjörğum

Nıtt hitamet var sett á Vestfjörğum í gær, en şar mældust 26,0°C á Hólum í Dırafirği kl. 21 um kvöldiğ.
Nıtt hitamet var sett á Vestfjörğum í gær, en şar mældust 26,0°C á Hólum í Dırafirği kl. 21 um kvöldiğ.
Nýtt hitamet var sett á Vestfjörðum í gær, en þar mældust 26,0°C á Hólum í Dýrafirði kl. 21 um kvöldið. Góðviðrið heldur áfram að leika við Vestfirðinga og sást fremur sjaldséð sjón í Bolungarvík í dag. Hitinn á hitamæli Sparisjóðsins er 27 gráður. „Þó yfirleitt sé alltaf gott veður í Bolungarvík mun þetta líklega teljast frekar fátítt að slíkur hiti leiki um bæjarbúa", segir á vikari.is. Samkvæmt vef Veðurstofu Íslands er mælirinn að taka forskot á sæluna en þar segir að hiti hafi mælst 18 gráður kl. 15 í Bolungarvík.
28.07.2008 - 23:34 | bb.is

Vel heppnağ félagsmót Storms

Sigurvegarar í barnaflokki. Mynd: Stormur.
Sigurvegarar í barnaflokki. Mynd: Stormur.
Félagsmót hestamannafélagsins Storms fór fram á Söndum í Dýrafirði dagana 18. og 19. júlí og þótti það vel heppnað. Á föstudeginum fór fram forkeppni í öllum flokkum. Henni lauk ekki fyrr en um kl. 21:30 vegna fjölda keppenda. Af þeim sökum seinkaði kvöldvöku sem hefjast átti í reiðhöllinni kl. 20:30 til kl. 22:00. Það kom þó ekki að sök þar sem menn voru vel vakandi og kátir. Kvöldvakan hófst með glæsilegri töltsýningu og svo tók við keppni í fljúgandi skeiði þar sem knapar lögðu hesta sína á skeið í gengum reiðhöllina. Eftir glæsileg tilþrif stóð uppi sem sigurvegari hesturinn Vænting frá Bakkakoti og Sigurður V. Matthíasson....
Meira
22.07.2008 - 23:41 | bb.is

Brautarmet féllu í Vesturgötuhlaupinu

Martha Ernstdóttir, fyrir miğju, sló sitt eigiğ brautarmet í Vesturgötuhlaupinu á laugardag. Mynd: Guğmundur Guğnason.
Martha Ernstdóttir, fyrir miğju, sló sitt eigiğ brautarmet í Vesturgötuhlaupinu á laugardag. Mynd: Guğmundur Guğnason.
« 1 af 4 »
Martha Ernstdóttir sló sitt eigið brautarmet í Vesturgötuhlaupinu sem var haldið á laugardag. Hún kom í mark á tímanum 1:45:22 og bætti þar með fyrra met sitt um tæpar tvær mínútur sem hún setti árið 2006. Það er greinilegt að þindarleysi er í ættinni en brautarmet var einnig sett í hálfri Vesturgötu þar sem systurdóttir Mörthu, hin tólf ára gamla Aníta Hinriksdóttir, kom í mark á aðeins 52 mínútum og 28 sekúndum. Glæsilegt afrek og greinilegt að þar er efnileg íþróttakona á ferð. Í karlaflokki kom Sigurður Hansen fyrstu í mark í heilli Vesturgötu á tímanum 1:42:36 og Ellert Örn Erlingsson sigraði í hálfri Vesturgötu karla á tímanum 0:53:22....
Meira
17.07.2008 - 23:51 | bb.is

Vesturgatan hlaupin á laugardag

Hlaupaleiğin er stórbrotin og skemmtileg. Mynd: www.vesturgatan.net
Hlaupaleiğin er stórbrotin og skemmtileg. Mynd: www.vesturgatan.net
Hið árlega Vesturgötuhlaup fer fram á laugardaginn kemur, en í því er hlaupin hin stórbrotna leið fyrir Svalvoga, á milli Arnarfjarðar og Dýrafjarðar. Þetta er þriðja árið í röð sem hlaupið er haldið og stefnir í met þátttöku, en athygli vekur að mikill meirihluti þeirra sem búnir eru að skrá sig til leiks er utanbæjarfólk. Í heilli Vesturgötu er hlaupin 24 km leið frá Stapadal í Arnarfirði að Sveinseyri í Dýrafirði, en í hálfri Vesturgötu er hlaupin um 12 km leið frá Svalvogavita að Sveinseyri Fróðlegt verður að sjá hvort brautarmetið fellur í ár, en í heilli Vesturgötu er það Bandaríkjamaðurinn Leif Kohler sem á metið, 1:29:29 klst. Í kvennaflokki hefur Martha Ernstsdóttir hlaupið hraðast, 1:47:47 klst. Veðurspáin fyrir laugardaginn er afar góð svo að aðstæður ættu að vera hinar ákjósanlegustu, hvort sem fólk er að hugsa um að slá met eða bara njóta útsýnisins í stórbrotnu umhverfi....
Meira
17.07.2008 - 23:47 | bb.is

Hætta á ağ byggğarlög leggist í eyği

Hætta er á ağ byggğ muni leggjast af á mörgum sveitarfélögum á Vestfjörğum ef fram fer sem horfir.
Hætta er á ağ byggğ muni leggjast af á mörgum sveitarfélögum á Vestfjörğum ef fram fer sem horfir.
Hætta er á að byggð muni nánast leggjast af í mörgum sveitarfélögum á Vestfjörðum ef fram fer sem horfir. Þetta kemur fram í skýrslu Byggðarstofnunar um byggðarlög þar sem fólksfækkun er viðvarandi. Könnunin heyrði undir þau sveitarfélög sem hafa lifað við viðvarandi fólksfækkun á tímabilinu 1996-2006 og var miðað við 15% fækkun íbúa eða meira. Undir þessa skilgreiningu féllu 22 sveitarfélög, þar af sex á Vestfjörðum og þau þrjú sveitarfélög sem hafa orðið hvað mest fyrir barðinu á fólksfækkun á landinu. Íbúum Árneshrepps fækkaði um 55,8% á tímabilinu 1991-2006 og er það mesta fækkun á fólki í sveitarfélagi á landinu. Taka verður þó tillit til þess að 49 einstaklingar eru með lögheimili í hreppnum. Nágrannar þeirra í Kaldrananeshreppi eru með aðra mestu fækkunina eða 42% á tímabilinu og íbúum Vesturbyggðar fækkaði um 37,2% sem var þriðja mesta fækkun í sveitarfélagi á landinu. Auk þeirra voru vestfirsku sveitarfélögin Tálknafjarðarhreppur, Strandabyggð og Reykhólahreppur í könnuninni, en að meðaltali fækkaði íbúum í þessum þremur byggðarlögum um 20,4%....
Meira
Eldri færslur
« September »
S M Ş M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30