Almennur borgarafundur verður í Edinborgarhúsinu á Ísafirði frá kl. 11:30 á laugardag til stuðnings Dýrafjarðargöngum og því að tengja saman byggð á Vestfjörðum með heilsárs öruggum samgöngum. Yfirskrift fundarins er: Snúum vörn í sókn fyrir Vestfirði en að honum stendur aðgerðarhópurinn Áfram vestur. Kynnt verður umhverfismat fyrir Dýrafjarðargöngin og verkefni nefndar um Dynjandisheiði. Ávörp fimm Vestfirðinga og fulltrúa þingflokka á Alþingi. Einnig verður afgreidd ályktun fundarins......
Meira

Hjónaballið var haldið í 75. sinn þann 7. nóvember sl. og þótti takast vel til. Vísur um Hjónaballsnefndina ár hvert eru orðinn fastur liður af Hjónaballinu og eru vísurnar í ár birtar í heild sinni hér. Höfundur þeirra er Líni Hannes

Fölnaðar rósir og fallið er lauf
Framundan skammdegis tilveran grá
Það blikar í ljós þó að birtan sé dauf
og blundar Í hjörtunum ólgandi þrá...

...
Meira

Tvær aukasýningar á Heilsugæslunni verða á Café Catalinu í Kópavogi um helgina. Leikurinn var sýndur fyrir skömmu á Catalinu fyrir troðfullu húsi og því hefur verið bætt við aukasýningum. Fyrri aukasýningin er á föstudag 27. nóvember og svo önnur strax daginn eftir á laugardag 28. nóvember. Báðar sýningarnar hefjast kl .21:30. Miðasala er hafin á Café Catalinu í Hamraborg Kópavogi. Hægt er að panta miða í s. 554 2166 og miðaverðið það sama gamla góða, aðeins 1.900 krónur.

Um Heilsugæsluna
Við hrósum okkur yfir háum meðalaldri, þjónustu í hæsta gæðaflokki og frábærum læknum. En er kerfið eins gott og af er látið? Er það hugsanlega farið að vinna gegn tilgangi sínum? Er aukinni eftirspurn sjúkdóma svarað með meira framboði? Hvaða tilgangi þjónar góð heilsa? Metum við líf í magni eða gæðum?...

...
Meira

Kennarar í Grunnskólanum á Þingeyri sendu frá sér eftirfarandi tilkynningu varðandi áskorun krakkanna í Félagsmiðstöðinni um að keppa við þá í fótbolta:
Kennarar og starfsfólk GÞ héldu fund á föstudag, 19 nóvember, þar sem farið var yfir meiðslalista og líkamsástand liðsins og var ákveðið í framhaldi þess að taka áskorun nemenda að tveimur skilyrðum uppfylltum.

Skilyrði 1: Að leikurinn sé 2x10 mín í stað 2x20 eins og kom fram í kröfu nemenda. (Ástæðan er sú að vegna mikilla anna starfsfólks (prjónakvöld, þurrblómarækt og fl.) geta þeir ekki séð sér fært um að spila lengur þetta kvöld).
Skilyrði 2: Kennarar krefjast þess að vera í lopapeysum frekar en bleikum fatnaði...

...
Meira

Opinn fundur um Dýrafjarðargöng verður haldinn í Edinborgarhúsinu á Ísafirði í hádeginu laugardaginn 28. nóvember. Á fundinum verður kynnt umhverfismat um göngin og störf nefndar á vegum samgönguráðuneytisins um vegalagningu á Dynjandisheiði. Þá verða lögð fram ávörp fulltrúa þingflokka og drög að ályktun fundarins. „Hugmyndin er sú að menn leggi fullan stuðning við Dýrafjarðargöng. Þau eru inni á vegaáætlun og við viljum halda þeim þar. Þó svo að það séu mörg verkefni sem ráðast þarf í á Vestfjörðum er það algjört lykilatriði að tengja suður-og norðanverða Vestfirði saman og við ætlum að leggja áherslu á að það verði gert sem fyrst," segir Kristinn H. Gunnarsson sem verður með framsögu á fundinum. Fundurinn er haldinn sama dag og síðasta sprengjan er...
Meira

Nú er nýlokið frágangi á þaki gamla pakkhússins sem verið hefur í endurbyggingu undanfarin ár og húsið hefur tekið á sig endanlega mynd. Verkið er unnið undir dyggri stjórn Guðmundar Óla Kristinssonar húsasmíðameistara og þúsundþjalasmiðs frá Bolungarvík. Heimamenn hafa verið með í uppsetningu sperra og gerð þaks frá því í ágúst, smíði skarsúðar og langsúðar o.fl. Er þetta dýr og tímafrek aðgerð og nú er spurningin sú hvort fjármagn fáist til að halda áfram. Smíða þarf glugga, nýjar dyr, gólf á báðum hæðum, stiga og margt fleira......
Meira

Fyrsta slátrun hjá Dýrfiski ehf. á eldisfiski, sem þeir hafa í kvíum á Haukadalsbótinni svonefndri, hófst 16. þessa mánaðar. Slátrað var um 2 tonnum. Í dag renndi svo Dýrfiskur, nýr bátur i eigu félagsins að bryggju með önnur tvö tonn. Bátur þessi kom til Þingeyrar 6. nóvember síðastliðinn í fyrsta sinn til nýrra eigenda þ.e. Dýrfisks. Fiskurinn sem er regnbogasilungur eða "Íslendingur" ættaður frá Laxalóni, er slægður og þrifinn hjá Vísi hf., ýsaður í kör og fluttur þannig suður samdægurs. Er hér um tilraunaslátrun að ræða sem getur gefið af sér mörg störf hér á Þingeyri í framtíðinni, og eru Dýrfirðingar mjög ánægðir með þetta framtak.
Fleiri myndir má sjá hér.

Krakkarnir í félagsmiðstöðinni á Þingeyri hafa ákveðið að skora á kennara og annað starfsfólk Grunnskólans á Þingeyri í fótboltakeppni. Keppt verður í 2x20 mínútur og mega 5 manns vera í hvoru liði, mælt er með því að hvort lið hafi þar að auki einhverja varamenn. Lið félagsmiðstöðvarinnar mun mæta svartklætt og er skorað á lið G.Þ að mæta til leiks í bleiku. Dómari verður skipaður á staðnum.
Ef starfsfólk G.Þ ákveður að taka áskoruninni mun keppnin fara fram mánudagskvöldið 23. nóvember næst komandi, klukkan 20:00 á lóð Grunnskólans. Við hvetjum sem flesta til að mæta og hvetja sitt fólk......
Meira